#ViralVideo : ரயில்முன் பாய்ந்து தற்கொலைக்கு முயன்ற இளைஞர்.. மின்னல் வேகத்தில் காப்பாற்றிய காவலர்..!
Cops Saves Youth Life
ரயில் முன் பாய்ந்து தற்கொலைக்கு முயன்ற இளைஞரை ரயில்வே காவலர் காப்பாற்றிய வீடியோ வைரலாகி வருகிறது.
மராட்டிய மாநிலம் தானே மாவட்டத்தில் உள்ள விட்டல்வாடி இரயில் நிலையத்தில் 18 வயது இளைஞர் ஒருவர் சந்தேகப்படும்படி அங்குமிங்கும் அலைந்து கொண்டிருந்தார். இதனை கண்ட கான்ஸ்டபிள் ஹிருஷிகேஷ் மானே சற்று விழிப்புடன் அவரை கண்காணித்துக் கொண்டிருந்தார்.
அப்போது ரயில் வரும் நேரத்தில் அந்த இளைஞர் திடீரென ரயில் தண்டவாளத்தில் குதித்தார் உடனடியாக ஹிருஷிகேஷ் மானே விரைந்து தண்டவாளத்தில் குதித்த ரயில் கடந்து செல்வதற்கு சில வினாடிகள் முன் சென்று அந்த இளைஞரை பத்திரமாக மீட்டார்.
இவை அங்குள்ள சிசிடிவியில் பதிவாகியுள்ளன. தன் உயிரை பொருட்படுத்தாமல், இளைஞரை காப்பாற்றிய கான்ஸ்டபிள் ஹிருஷிகேஷ் மானேவிற்கு பாராட்டுக்கள் குவிந்த வண்ணம் உள்ளன. அந்த வீடியோ தற்போது இணையத்தில் வைரலாகியுள்ளது.