பஞ்சாபில் நடந்த ஆபரேஷன் ப்ளூ ஸ்டாரின் 40வது ஆண்டு நினைவு நாளான இன்று, அமிர்தசரஸில் உள்ள சீக்கிய சமூகத்தைச் சேர்ந்தவர்கள் பொற்கோவிலில் காலிஸ்தான் ஜிந்தாபாத் கோஷங்களை எழுப்பினர். அவர்கள் ஸ்ரீ அகால் தக்த் சாஹிப்பின் வாள்களை வீசி தங்களது வருத்தங்களை பதிவு செய்தனர். ஜர்னைல் சிங் பிந்தரன்வாலே படத்தை கையில் ஏந்தியவாறு காலிஸ்தானுக்கு ஆதரவாக கோஷங்கள் எழுப்பியபோது சிலர் எல்லை மீறய செயலில் ஈடுபட்டனர். இந்த போராட்டத்தின் போது சிரோமணி அகாலி தளம் தலைவர் சிம்ரன்ஜித் சிங் மான் உள்ளிட்டோர் உடனிருந்தனர். ​​ஸ்ரீ அகல் தக்த் சாஹிப்பில் ஆபரேஷன் புளூஸ்டாரில் கொல்லப்பட்ட சீக்கியர்களுக்கு அஞ்சலி செலுத்தப்பட்டது.

 அமிர்தசரஸ் பொற்கோவிலில் அமைந்துள்ள ஸ்ரீ ஹரி மந்திர் சாஹிப் உட்பட நகரம் முழுவதும் பலத்த பாதுகாப்பு ஏற்பாடுகள் செய்யப்பட்டுள்ளன. ஸ்ரீ ஹரி மந்திர் சாஹிப்பின் ஒவ்வொரு மூலையிலும் சாதாரண உடையில் போலீசார் நிறுத்தப்பட்டுள்ளனர். இது தவிர தடுப்பு வேலியும் போடப்பட்டுள்ளது. அசம்பாவிதம் நடக்காமல் தடுப்பதே நிர்வாகத்தின் சிறப்பு நோக்கம். ஸ்ரீ அகல் தக்த்தின் ஜத்தேதார் கியானி ரக்பீர் சிங், ஃபரித்கோட் எம்பி சரப்ஜித் சிங் கல்சா, முன்னாள் எம்பி சிம்ரன்ஜித் சிங் மான், பல்ஜித் சிங் தடுவால் உள்ளிட்ட தீவிர அமைப்புகளின் பிரதிநிதிகள் ஏராளமானோர் கோயில் வளாகத்தில் உள்ளனர்.

ஆபரேஷன் ப்ளூ ஸ்டார் 1984 ஜூன் 1 முதல் ஜூன் 10 வரை அமிர்தசரஸ் பொற்கோவிலில் மேற்கொள்ளப்பட்டது. இதனால் பொற்கோயிலுக்கும் பலத்த சேதம் ஏற்பட்டது. இதில் ஏராளமானோர் உயிரிழந்தனர். பஞ்சாபில் காலிஸ்தான் ஆதரவு இயக்கம் நீண்ட காலமாக தொடர்ந்தது.