தண்ணீர் தொட்டியை சுத்தம் செய்த போது மூச்சுத்திணறல்! தொழிலாளர்களுக்கு நேர்ந்த சோகம்.!

மஹாராஷ்டிரா மாநிலம் தானேவில் அடுக்குமாடி குடியிருப்பில் தண்ணீர் தொட்டியை சுத்தம் செய்யும் போது ஏற்பட்ட மூச்சுத் திணறலில் இரண்டு தொழிலாளர்கள் பரிதாபமாக உயிரிழந்தனர்.

மஹாராஷ்டிரா மாநிலம் தானேவின் நௌபாடா பகுதியில் உள்ள நான்கு மாடி குடியிருப்பு பகுதியில் தண்ணீர் தொட்டியை சுத்தம் செய்யும் பணியில் தொழிலாளர்கள் ஈடுபட்டிருந்தனர். அப்போது எதிர்பாரத விதமான அவர்களுக்கு மூச்சுத்திணறல் ஏற்பட்டது.

இதனையடுத்து அவர்கள் மருத்துவமனைக்கு அழைத்துச் செல்லப்பட்டனர். ஆனால் அவர்களில் இருவர் உயிரிழந்து விட்டதாகவும் மேலும் இருவர் தீவிர சிகிச்சை பெற்று வருவதாகவும் மாநகராட்சி தரப்பில் தெரிவிக்கப்பட்டுள்ளது.

இந்த விபத்து குறித்து காவல்துறையினர் வழக்கு பதிவு செய்து விசாரணை நடத்தி வருகின்றர்.