அமித்ஷாவுக்கு அமைச்சர் பதவி இல்லையா? 30 பேர் யார் யார்? பரபரப்பு தகவல்!

மூன்றாவது முறையாக இன்று பிரதமராக நரேந்திர மோடி பதவியேற்கிறார். குடியரசுத் தலைவர் மாளிகையில் இன்று இரவு 7.15க்கு பதவியேற்பு விழா நடைபெற உள்ளது.

டெல்லியில் இன்று மாலை நடக்க உள்ள பதவியேற்பு நிகழ்ச்சியில், பிரதமர் மோடியுடன் 30 பேர் அமைச்சர்களாக பதவியேற்க இருப்பதாக தகவல் வெளியாகியுள்ளது.

அமித்ஷா, ராஜ்நாத் சிங், நிதின் கட்கரி உள்ளிட்ட மூத்த தலைவர்களும் அமைச்சர்களாக பிரதமர் மோடியுடன் இன்றே பதவியேற்க உள்ளனர்.

தெலுங்கு தேசம் கட்சியை சேர்ந்த 2 பேர் இன்று மத்திய அமைச்சர்களாக பதவியேற்க உள்ளனர். ராமு மோகன் நாயுடு மற்றும் சந்திரசேகர் பெம்மசானி ஆகியோர் மத்திய அமைச்சர்களாக பதவியேற்க உள்ளனர்.

பாஜகவின் கூட்டணி கட்சிகளுடன் விரிவான ஆலோசனை நடத்திய பிறகு, அமைச்சரவை விரிவாக்கம் இருக்கும் என தகவல் வெளியாகியுள்ளது.

இதற்கிடையே, இன்று காலை 11.30 மணிக்கு பிரதமர் மோடி தேநீர் விருந்தளிக்கிறார். இதற்காக மத்திய அமைச்சரவையில் இடம் பெறப்போகும் உறுப்பினர்களுக்கு அழைப்பு விடுக்கப்பட்டுள்ளதாக தகவல் வெளியாகியுள்ளது.

நேருவுக்கு பிறகு 3வது முறையாக பிரதமராக மோடி பதவியேற்பது மகத்தான சாதனை என்று, பிரதமர் மோடி பதவியேற்பு விழாவிற்கு செல்லும் முன் நடிகர் ரஜினிகாந்த் பேட்டி அளித்துள்ளார்.