மும்பையில் "டிஜிட்டல் அரெஸ்ட்" என்ற பெயரில் ஒருவருக்கு நேர்ந்த மோசடி விவகாரம் பரபரப்பை ஏற்படுத்தியுள்ளது. போரிவலி பகுதியை சேர்ந்த 26 வயது பெண்ணிடம், தங்களை சிபிஐ அதிகாரிகள் என்று அடையாளம் கூறிய மர்ம நபர்கள், போன் மற்றும் வீடியோ கால் மூலம் மிரட்டியதுடன், ரூ.1.8 லட்சம் பணம் பறித்துள்ள சம்பவம் சமூகத்தில் அதிர்ச்சியை ஏற்படுத்தியுள்ளது.

மருந்து நிறுவனத்தில் பணிபுரிந்து வரும் அந்த பெண்ணிடம், ஜெட் ஏர்வேஸ் நிறுவனர் நரேஷ் கோயலின் சட்டவிரோத பணப்பரிமாற்ற வழக்கில் தொடர்பு இருக்கிறது என கூறி, குற்றச்சாட்டுகளை மீட்ட மர்ம நபர்கள், விசாரணைக்காக மும்பையில் ஒரு ஓட்டலில் தங்குமாறு அவளை நம்ப வைத்தனர். பின்னர், வீடியோ கால் மூலம் வங்கிக் கணக்கு விவரங்களை சேகரித்து, ரூ.1.8 லட்சத்தை மாற்ற வைத்துள்ளனர்.

மிரட்டலின் உச்சத்தில், அவளிடம் ஆடைகளை முழுமையாக அகற்ற சொல்லி அவமரியாதை செய்துள்ள மர்ம நபர்கள், அடுத்த கட்டமாக, அந்த வீடியோவை சமூக வலைதளத்தில் வெளியிடுவதாக மிரட்டியுள்ளனர்.

இதையடுத்து, பெற்றோர்கள் மற்றும் உறவினர்களின் உதவியுடன் அந்த பெண் அந்தேரி போலீசில் புகார் செய்தார். தற்போது சைபர் கிரைம் பிரிவு தீவிரமாக விசாரணை மேற்கொண்டு வருகிறது.

போலீஸார் பொதுமக்களுக்கு விழிப்புணர்வு செய்து, "யாரேனும் 'டிஜிட்டல் அரெஸ்ட்' என்ற பெயரில் மிரட்டினால், அச்சமடையாமல், உடனடியாக காவல்துறையுடன் தொடர்பு கொள்ளுங்கள்" என்று அறிவுறுத்தியுள்ளனர்.

இந்த சம்பவம், மக்களிடம் இணைய மோசடிகளின் அச்சத்தை மீண்டும் அடுத்து, தகவல் தொடர்பு பாதுகாப்பை அதிகப்படுத்தும் தேவை உள்ளதை வலியுறுத்துகிறது.