மகாராஷ்டிரா மாநிலத்தில் உள்ள மும்பையை சேர்ந்த அழகுகலை நிபுணரான 49 வயது பெண் ஒருவர் சீட்டு விளையாடுவதில் அதிகம் ஆர்வம் கொண்டவர். இவர் கடந்த 6-ந்தேதி அவரது வீட்டிற்கு வந்த நண்பருடன் சேர்ந்து சீட்டு விளையாடினார். 

அதன் பின்னர் அந்த நண்பர் குஜராத் மாநிலம் ஆமதாபாத்தில் உள்ள தனது வீட்டிற்கு வருமாறும், அங்கு சில நண்பர்களுடன் சீட்டு விளையாடலாம் என்றும் ஆசை வார்த்தை கூறியுள்ளார். 

அதன் படி, அந்த பெண், நண்பருடன் காரில் புறப்பட்டு ஆமதாபாத் சென்றார். அங்கு அந்த நண்பர் வீட்டில் இருந்த இரண்டு பேருடன் சேர்ந்து மதுபானம் அருந்தியுள்ளார். இதையடுத்து அந்த மூன்று பேரும் சேர்ந்து அந்த பெண்ணை கூட்டு பலாத்காரம் செய்தனர். அதனை வீடியோவாக பதிவிட்டுள்ளார்.

அதனை பாதிக்கப்பட்ட பெண்ணிடம் காட்டி நடந்ததை யாரிடமாவது தெரிவித்தால் வீடியோவை சமூகவலைத்தளத்தில் பரப்பி விடுவதாக மிரட்டியுள்ளனர். இதைத்தொடர்ந்து மும்பைகுத் திரும்பிய அந்த பெண் கணவரிடம் தனக்கு நேர்ந்த கொடுமையை தெரிவித்தார். 

அதன் பின்னர் இருவரும் சம்பவம் தொடர்பாக போலீசில் புகார் அளித்தனர். அதன் படி போலீசார் கடத்தல் மற்றும் கூட்டு பலாத்காரம் உள்ளிட்ட பிரிவுகளின் கீழ் வழக்கு பதிவு செய்து, பெண்ணை பலாத்காரம் செய்த மூவரில் இருவரைக் கைது செய்தனர். மேலும், மற்றொருவரை போலீசார் தீவிரமாக தேடி வருகின்றனர்.