மத்திய அரசு தற்போது 50 ஆண்டுகால பழைய சட்டத்தில் மாற்றம் கொண்டுவந்துள்ளது. தற்போது வாடகைத் தாய் மூலம் குழந்தை பெற்றுக்கொள்ளும் பெண் அரசு ஊழியர்கள் 180 நாட்கள் மகப்பேறு விடுப்பு பெற முடியும் என தெரிவிக்கப்பட்டுள்ளது. 

வாடகைத் தாய் மூலம் குழந்தை பெற்றுக்கொள்ளும் அரசு பெண் ஊழியர்கள் மத்திய அரசுப் பணிகளுக்கான விடுப்பு விதிகள் 1972 இல் மத்திய அரசு தற்போது மாற்றம் கொண்டுவந்துள்ளது. கடந்த ஜூன் 18 ஆம் தேதி  அன்று அறிவிக்கப்பட்ட மத்திய சிவில் சர்வீசஸ் விடுப்பு திருத்தம் விதிகள் 2024 இன் படி, ஒரு வாடகைத் தாய் மூலம் பிறந்த குழந்தையின் தாய்க்கு குழந்தை பராமரிப்பு 180 நாட்கள் விடுப்புக்கு கூடுதலாக அந்த தந்தைக்கும் 15 நாட்கள் தந்தைவழி விடுப்பு  அனுமதிக்கப்பட்டுள்ளது. 

இந்த புதிய சட்ட திருத்தம் தொடர்பான அறிவிப்பை பணியாளர் அமைச்சகம் வெளியிட்டுள்ளது. வாடகைத் தாய் மற்றும் வாடகைத் தாய் மற்றும் இரண்டுக்கும் குறைவான உயிருள்ள குழந்தைகளைக் கொண்ட தாய்மார்கள் ஒருவர் அல்லது இருவரும் அரசாங்க ஊழியர்களாக இருந்தால், 180 நாட்கள் மகப்பேறு விடுப்பு வழங்கப்படலாம். 

வாடகைத் தாய் மூலம் குழந்தை பிறந்தால், அரசுப் பெண் ஊழியர்களுக்கு மகப்பேறு விடுப்பு வழங்குவதற்கு இதுவரை விதிகள் இல்லை என பணியாளர் அமைச்சகம் தெரிவித்துள்ளது. மேலும் வாடகைத் தாய் மூலம் குழந்தை பெற்றுக்கொள்ளும், தந்தைகளுக்கு 15 நாட்கள் மகப்பேறு விடுப்பு பெறலாம் என்று பணியாளர் அமைச்சகம் தெரிவித்துள்ளது. 

மேலும் இந்த சட்டத்தில் இரண்டுக்கும் குறைவான குழந்தைகளைக் கொண்ட மனிதனாக இருக்க வேண்டும் என்பது நிபந்தனை. தந்தைகளுக்கான இந்த விடுப்பு குழந்தை பிறந்த நாளிலிருந்து 6 மாத காலத்திற்குள் எப்போது வேண்டுமானாலும் 15 நாட்கள் இருக்கலாம் என தெரிவிக்கப்பட்டுள்ளது.

ஒரு பெண் அரசு ஊழியர் மற்றும் ஒரு ஆண் அரசு ஊழியர் தங்கள் முழு சேவையின் போது அதிகபட்சமாக 730 நாட்கள் குழந்தை பராமரிப்பு விடுமுறையைப் பெறலாம் என்று பணியாளர் அமைச்சகம் தெரிவித்துள்ளது.