தலைக்கேறிய மதுபோதை.. போர்களமான உணவகம்.. கைதான இளம் தம்பதி..!

உணவகத்தில் ரகளையில் ஈடுபட்ட இளம்தம்பதியினரை காவல்துறையினர் கைது செய்தனர்.

மகாராஷ்டிரா மாநிலம் மும்பையில் உள்ள சாண்டாக்ரூஸ் என்ற பகுதியில் உள்ள உணவகம் ஒன்றில் இளம் தம்பதி ஒன்று சாப்பிட வந்துள்ளனர். அதிகமாக மது மது போதையில் இருந்த அந்த தம்பதி உணவு பணியாளரிடம் தகராற்றில் ஈடுபட்டுள்ளனர்.

அங்கிருந்த ஊழியர்கள் சமாதானம் செய்தும் கேட்காமல் தங்கள் ரகளையை தொடர்ந்துள்ளனர். இதனால், அங்கிருந்த ஊழியர்கள் உடனடியாக காவல்துறைக்கு தகவல் அளித்தனர்.

விரைந்து வந்த காவல்துறையினர் அந்த தம்பதியிடம் விசாரணை நடத்தி கைது செய்து அழைத்துச் சென்றனர். மது போதையில் ரகளையில் ஈடுபட்ட சம்பவம் அங்கு சற்று நேரம் பரபரப்பை ஏற்படுத்தியது.