''மோடி குடும்பத்தினர்''... அப்படியென்றால் இவர்களும் உங்கள் குடும்பமா? - பிரகாஷ்ராஜ் சரமாரி கேள்வி!
Prakash raj asks Modi issue
பா.ஜ.க தலைவர்கள் மோடியின் குடும்பம் என எக்ஸ் வலைதளத்தில் பெயர் மாற்றி வரும் நிலையில் நடிகர் பிரகாஷ்ராஜ் இது தொடர்பாக எக்ஸ் வலைதளத்தில் கேள்வி எழுப்பியுள்ளார்.
பாட்னாவில் நேற்று நடைபெற்ற பொதுக் கூட்டத்தில் பேசிய லாலு பிரசாத் யாதவ், நரேந்திர மோடிக்கு குடும்பமே இல்லை. நீங்கள் இந்து கூட இல்லை. இந்து மதத்தினரின் தாய் உயிரிழந்தால் மொட்டை அடிக்க வேண்டும். ஆனால் நீங்கள் அடித்தீர்களா. சமூகத்தில் வெறுப்பை மட்டுமே பரப்புகிறீர்கள் என விமர்சித்திருந்தார்.
இதற்கு பதில் அளித்த பிரதமர் நரேந்திர மோடி, நாட்டின் 140 கோடி மக்களும் எனது குடும்பத்தினர். நாட்டில் உள்ள கோடிக்கணக்கான மகள்கள், தாய்மார்கள், சகோதரிகள் இன்று எனது குடும்பத்தில் உள்ளனர் என தெரிவித்தார்.
மேலும் மத்திய அமைச்சர்கள், பா.ஜ.க தலைவர்கள் என அனைவரும் தங்களது எக்ஸ் வலைதளத்தில் பெயருக்கு பின்னால் மோடியின் குடும்பம் என குறிப்பிட்டுள்ளனர்.
இந்நிலையில் மணிப்பூர் மக்கள், விவசாயிகள், வேலை இல்லாத இளைஞர்கள் எல்லாம் உங்களது குடும்பம் தானா என நடிகர் பிரகாஷ் ராஜ் கேள்வி எழுப்பியுள்ளார்.
English Summary
Prakash raj asks Modi issue