அமெரிக்காவில் டிரம்ப் அரசின்கீழ் செயல்படும் அரசு செயல்திறன் மேம்பாட்டுத் துறை மேம்பாட்டுத் துறை (DOGE) தலைவராக எலோன் மஸ்க்கை ட்ரம்ப் நியமித்துள்ளார்.  இந்த குழு இந்திய தோ்தல்களில் வாக்குப் பதிவு விகிதத்தை அதிகரிப்பதற்கு வழங்கத் திட்டமிடப்பட்ட 21 மில்லியன் டாலா் (சுமாா் ரூ.182 கோடி) நிதியுதவியை அதிரடியாக ரத்து செய்தது.  இதுதொடர்பாக பாஜக மற்றும் காங்கிரஸ் ஆகிய கட்சிகளிடையே மோதல் நிலவியது. 

அதாவது "இந்திய தேர்தல்களில் அமெரிக்காவுக்கு என்ன வேலை" என கேள்வி எழுப்பிய பாஜக, இது தொடர்பாக, காங்கிரஸ் கட்சியை குற்றஞ்சாட்டியது. இதுதொடர்பாக இரு கட்சிகளுக்கும் இடையே மோதல் போக்கு நிலவுகிறது.

அத்துடன், இந்தியாவில் ஆட்சி மாற்றத்தை விரும்பிய முந்தைய பைடன் நிா்வாகம், அந்நாட்டில் அந்நாட்டில் வாக்குப்பதிவை அதிகரிக்க அமெரிக்க அரசு நிதியுதவியை வழங்கியிருப்பதாக கருதுகிறேன் என்று டொனால்ட் டிரம்ப் தெரிவித்த கருத்து பாஜக மற்றும் காங்கிரஸ் இடையேயான வார்த்தை யுத்தத்தை மேலும் அதிகரித்துள்ளது.

இந்நிலையில், டெல்லியில் பாஜக தலைமை அலுவலகத்தில் அக்கட்சியின் செய்தி தொடர்பாளர் கவுரவ் பட்டியா  இன்று செய்தியாளர்களை சந்தித்தார். அப்போது அவர் இதுபற்றி கூறியதாவது:-  2004-13 ஆம் ஆண்டு வரை அப்போதைய காங்கிரஸ் ஆட்சி காலத்தில் 2000 மில்லியன் டாலருக்கும் அதிகமான தொகை இந்தியாவிற்கு நிதியாக வந்துள்ளது. மோடி ஆட்சி காலத்தில் வெறும் 1.5 மில்லியன் தான் வந்துள்ளது என குறிப்பிட்டுள்ளார்.

ஏனெனில், எந்த ஒரு அந்நிய சக்திகளிடமும் இந்தியாவின் நலனை மோடி விற்க மாட்டார் என்று அவர்களுக்கு (அமெரிக்கா) தெரிந்து இருக்கிறது என்றும் அவர் செய்தியாளர்களிடம் குறிப்பிட்டார்.

அத்துடன், இந்தியாவை பலவீனப்படுத்த வெளிநாட்டு சக்திகளுடன் கைகோர்த்த ராகுல் காந்தி ஒரு துரோகி. இந்திய அரசுக்கான நிதி நிறுத்தப்பட்டதும், பாரத் ஜோடோ யாத்திரை காலத்தில் என்.ஜி.ஓக்களுக்கான நிதி அதிகரித்துள்ளது. தேர்தலுக்கு முன்பாக ராகுல் காந்தியை பலப்படுத்தி, மோடியை தோற்கடிக்கும் முயற்சியாக இது நடைபெற்றுள்ளது"  என்று அவர் மேலும் குற்றம் சாட்டியுள்ளார்.