பஞ்சாப் மாநிலத்தில் உள்ள மொகாலியில் தனியார் பல்கலைக்கழகத்தில் பயிலுகின்ற மாணவி ஒருவர் சக மாணவிகளின் அந்தரங்க வீடியோக்களை வெளியிட்டுள்ளது அதிர்ச்சியை கொடுத்துள்ளது.

பஞ்சால் மொகாலியில், அமைந்துள்ள சண்டிகர் பல்கலைக்கழத்தில் பயிலுகின்ற மாணவர்கள் மத்தியில், பெண்கள் குளிக்கின்ற வீடியோ மற்றும் சில அந்தரங்க வீடியோக்கள் வைரலாக பரவி வந்துள்ளது. இந்த வீடியோக்கள், சண்டிகர் பல்கலைக்கழத்தில் இருக்கின்ற மாணவிகள் தங்கும் விடுதியில் எடுக்கப்பட்டவை எனும் விவரம் வெளியாகி பெரும் அதிர்ச்சியை கொடுத்துள்ளது. 

இந்த சம்பவத்தில் அங்கு பயிலுகின்ற மாணவர்கள் யாராவது ஈடுபட்டிருக்கலாம் என்று சந்தேகப்பட்டுள்ளனர். ஆனால்,இப்படி ஒரு மோசமான காரியத்தில் ஈடுபட்டது எம்.பி.ஏ முதலாம் ஆண்டு படிக்கின்ற ஒரு  மாணவி என்று கூறப்படுகிறது. 

அந்த மாணவிகளின் குளியலறையில் ரகசியமாக கேமராவை வைத்து இந்த அந்தரங்க வீடியோக்களை எடுத்துள்ளதாக கூறப்படுகின்றது. இந்த வீடியோக்கள் எல்லாவற்றையும் இணையதளத்திலும் அந்த பெண் கசிய விட்டுள்ளார். 

அதன் பின் தான் இந்த அந்தரங்க வீடியோக்கள் மாணவர்கள் மத்தியில் பரவியாதாக தெரிவிக்கப்படுகிறது. இதன் காரணமாக பெற்றோர்களும், மாணவிகளும் மிகுந்த அதிர்ச்சி அடைந்துள்ளனர். இதனால், சில மாணவிகள் தற்கொலைக்கு முயன்றதாகவும் கூறப்படுகிறது. 

ஆனால், இந்த தகவல்களை சண்டிகர் பல்கலைக்கழகம் முற்றிலுமாக மறுத்துள்ளது.