பனிமூட்டம்., நேருக்கு நேர் மோதிக்கொண்ட பள்ளி பேருந்துகள்.! மாணவர்கள் உட்பட 3 பேர் பலி.!

முசாபர்நகர் பகுதியில் இன்று காலை இரண்டு பள்ளி பேருந்துகள் நேருக்கு நேர் மோதி விபத்துக்குள்ளானதில் மூன்று பேர் பலியாகியுள்ளனர்.

உத்தர பிரதேசம் மாநிலம் : முசாபர்நகர் பகுதியில் இன்று காலை இரண்டு பள்ளி பேருந்துகள் நேருக்கு நேர் மோதி விபத்துக்குள்ளானது.

இன்று காலை முசாப்பர்நகர் - ஷாப்பூர் சாலையில் ரவீந்திரநாத் தாகூர் பள்ளி பேருந்தும், ஜி.டி.கொயங்கா பள்ளி பேருந்தும் மாணவர்களை ஏற்றிக் கொண்டு பள்ளிக்கு சென்றுக் கொண்டிருந்தது.

காலை நேரத்தில் பனிமூட்டம் அதிகம் இருந்ததால், எதிரில் வரும் பேருந்து கண்ணுக்கு தெரியாமல், இரு பள்ளி பேருந்துகளும் நேருக்கு நேர் மோதிக் கொண்டன.

இந்த விபத்தில், 2 மாணவர்கள் மற்றும் ஓட்டுனர் ஒருவர் என மூன்று பேர் சம்பவ இடத்திலேயே பலியாகினர். மேலும், 9 மாணவர்கள் உள்பட 10 பேர் பலத்த காயமடைந்து மருத்துவமனையில் சிகிச்சைக்காக அனுமதிக்கப்பட்டுள்ளனர்.