'இன்ஸ்டாகிராம் ரீல்ஸ் மோகம்'... சாகச வீடியோ எடுத்து பெண்ணை கொன்ற வாலிபர்கள்.!

மகாராஷ்டிரா மாநிலம் புனே கிருஷ்ணா நகர் பகுதியில், ஹடப்சரின் சையத் நகர் பகுதியைச் சேர்ந்த அயன் ஷேக் (22) மற்றும் ஜெய்த் ஷேக் (20) ஆகிய இரண்டு பேரும் இன்ஸ்டாகிராமில் வீடியோ பதிவிடுவதற்காக பைக்கில் வேகமாக சென்று சாகச காட்சிகளை வீடியோ எடுத்துள்ளனர். அப்பொழுது அவ்வழியாக நடந்து சென்ற சோலாப்பூர் மாவட்டத்தில் உள்ள பர்ஷி பகுதியைச் சேர்ந்த தஸ்லிம் பதான் (31) என்ற பெண் மீது வாலிபர்கள சாகசம் செய்த பைக் அதிவேகமாக மோதியுள்ளது.

இதில் தூக்கி வீசப்பட்ட பெண் சம்பவ இடத்திலேயே பரிதாபமாக உயிரிழந்துள்ளார். இதையடுத்து அங்கிருந்த வாலிபர்கள் இரண்டு பேரும் தப்பி ஓடியுள்ளனர். இதைத்தொடர்ந்து இந்த சம்பவம் குறித்து தகவல் அறிந்து வந்த போலீசார், உயிரிழந்த பெண்ணின் உடலை கைப்பற்றி பிரேத பரிசோதனைக்காக மருத்துவமனைக்கு அனுப்பி வைத்தனர்.

மேலும் தப்பி ஓடிய இரண்டு வாலிபர்களையும் போலீசார் மடக்கி பிடித்து கைது செய்தனர். இதைத்தொடர்ந்து இரண்டு வாலிபர்கள் மீது வழக்கு பதிவு செய்து போலீசார் இதுகுறித்து விசாரணை மேற்கொண்டு வருகின்றனர்.