உத்தரகாண்ட் மாநிலதில் உள்ள ஜோஷிமத் நகரம், கடந்த ஆண்டு தொடக்கத்தில் நிலம் சரிந்ததால் அங்கிருந்த அடைந்த கட்டிடங்கள் விரிசல் அடைந்தன, மேலும் தற்போது பருவமழை வரவிருப்பதால் அந்த அச்சுறுத்தலை அந்த நகரம் மீண்டும் எதிர்கொள்கிறது. அங்கு இன்னும் தரையில் தோன்றிய பிளவுகளுக்கு பழுது பார்க்கப்படாமல் உள்ளது, இந்த பருவமழை அப்பகுதி மக்களின் பாதுகாப்பிற்கான கவலையை எழுப்புகிறது.

நிலப் பேரழிவைத் தொடர்ந்து வரவிருக்கும் இரண்டாவது பருவமழையின் வருகை, மலையின் ஸ்திரத்தன்மையை உறுதிப்படுத்த உறுதியான நடவடிக்கைகளின் அவசரத் தேவையை அடிக்கோடிட்டுக் காட்டுகிறது என்று தெரிவித்துள்ளனர்.

எங்கள் முக்கிய கோரிக்கைகளில் ஒன்று ஜோஷிமத்தில் உறுதிப்படுத்தும் பணிகள் முதலில் செய்யப்பட வேண்டும். ஒரு அடி முதல் 5 அடி வரை நிலம் தாழ்ந்துள்ள பகுதிகளை சுற்றி பாதுகாப்பு சுவர் எழுப்பினால் காப்பாற்ற முடியும் . மேலும்,292 பேருக்கு இழப்பீடு கிடைத்துள்ள நிலையில், பாதிக்கப்பட்டவர்களின் எண்ணிக்கை 1,200-க்கும் அதிகமாக அதிகரித்துள்ளது. இடப்பெயர்வு மற்றும் மறுவாழ்வு குறித்த விரிவான அறிக்கையை வெள்ளை அறிக்கை வடிவில் அரசாங்கம் வெளியிட வேண்டும் என்று ஜோஷிமத் பச்சாவ் சங்கர்ஷ் சமிதி அமைப்பு தெரிவித்துள்ளது.

ஜோஷிமத்தில் 14 குறிப்பிட்ட பகுதிகள் உள்ளன, அங்கு தோராயமாக 800 கட்டிடங்கள் கட்டமைப்பு ரீதியாக சமரசம் செய்யப்பட்ட கட்டிடங்கள் சிவப்பு வகையின் கீழ் வருகின்றன. இந்த கட்டமைப்புகள் மலைகளின் சுமையை குறைக்க இடிக்கப்பட்டு குப்பைகளை முழுமையாக அகற்றுவது அவசியமாகும் என ஜோஷிமத்தில் உள்ள 2300 கட்டிடங்களை ஆய்வு செய்த விஞ்ஞானிகள் தெரிவித்தனர்.

இது தொர்பாக சமோலி மாவட்டத்தின் பொறுப்பு அமைச்சரும், மாநில சுகாதார அமைச்சருமான தன் சிங் ராவத் ஜோஷிமத்தில் முகாமிட்டுள்ளார். மனோகர் பாக் மற்றும் பிற பாதிக்கப்பட்ட பகுதிகளில் நீர் வடிகால் ஏற்பாடுகளை உடனடியாக மேம்படுத்த ஜோஷிமத் SDM க்கு அறிவுறுத்தப்பட்டுள்ளது என அவர் தெரிவித்தார்.

பருவமழை தொடங்கும் முன் சீரமைப்பு பணிகள் விரைவில் மேற்கொள்ளப்படும் என அமைச்சர் உறுதியளித்துள்ளதாக பாஜக நகர் மண்டல செயலாளர் தெரிவித்தார்.