டி20 உலக கோப்பை இறுதிப்போட்டி: ''இந்திய அணி'' வெற்றிபெற... ரசிகர்கள் செய்த வினோத செயல்.!
Varanasi cricket fans havan team India victory
டி20 உலக கோப்பை அமெரிக்கா மற்றும் மேற்கிந்திய தீவுகளில் நடைபெற்று வருகிறது. தற்போது போட்டி இறுதி கட்டத்தை எட்டியுள்ள நிலையில் உலககோப்பை இறுதி ஆட்டத்தில் இந்தியா மற்றும் தென் ஆப்பிரிக்க அணிகள் மோதுகின்றன.
இந்த ஆட்டத்தில் இந்திய அணி வெற்றி பெற வேண்டும் என உத்தர பிரதேசம், வாரணாசியில் இந்திய அணி ரசிகர்கள் யாகம் நடத்தி வழிபாடு செய்தனர்.
இந்த பூஜையில் ஈடுபட்ட ரசிகர்கள் விராட் கோலி, குல்தீப் யாதவ், அர்ஷ்தீப் சிங் மற்றும் கிரிக்கெட் பேட் போன்றவற்றை வைத்து வழிபாடு மேற்கொண்டனர். மேலும் அவர்கள் 'பாரத் மாதா கி ஜே', 'வந்தே மாதரம்' என்ற கோஷங்களை எழுப்பி வழிபாட்டில் ஈடுபட்டனர்.
இதுகுறித்து யாகத்தில் ஈடுபட்டவர்கள் தெரிவித்திருப்பதாவது, இதுவரை அனைத்து போட்டிகளிலும் வெற்றி பெற்ற இந்திய அணி கடைசி ஆட்டத்திலும் வெற்றி பெறுவது முக்கியம்.
அதனால் தான் யாகம் வளர்த்து வழிபாடு செய்கின்றோம். இந்த யாகத்தினால் இந்திய அணி வீரர்களுக்கு வலிமை, ஆற்றல், சக்தி பெருகும் என தெரிவித்துள்ளனர்.
English Summary
Varanasi cricket fans havan team India victory