சோகம் - லாரி சக்கரத்தில் சிக்கி இளம்பெண் பலி.!
women died for accident in kerala
கேரள மாநிலத்தில் உள்ள கோழிக்கோடு மாவட்டம் மாத்தரா பகுதியை சேர்ந்த அன்சிலா என்பவர் தனது சகோதரருடன் இருசக்கர வாகனத்தில் பந்திரங்காவு அருகே தைபாலத்து என்ற இடத்தில் சென்று கொண்டு இருந்தார். இருசக்கர வாகனத்தை அவரது சகோதரர் ஓட்டினார்.
இந்த நிலையில், அன்சிலாவின் சகோதரர் முன்னால் சென்ற லாரியை முந்தி செல்ல முயன்றார். ஆனால் லாரி ஓட்டுநர் தனக்கு முன்னால் சென்ற ஒரு காரை முந்த முயன்தால் இருசக்கர வாகனத்தின் பக்கவாட்டில் லாரி மோதி விபத்துக்குள்ளானது.
இந்த விபத்தில் தவறி விழுந்த அன்சிலா, அந்த லாரியின் சக்கரத்தில் சிக்கி உடல் நசுங்கி சம்பவ இடத்திலேயே பரிதாபமாக உயிரிழந்தார். அவரது சகோதரர் லேசான காயங்களுடன் உயிர் தப்பினார். இதைப்பார்த்து அதிர்ச்சியடைந்த அப்பகுதி மக்கள் சம்பவம் குறித்து போலீசாருக்கு தகவல் கொடுத்தனர்.
அதன்படி போலீசார் விரைந்து வந்து, அன்சிலாவின் உடலை மீட்டு பிரேத பரிசோதனைக்காக கோழிக்கோடு அரசு மருத்துவக்கல்லூரி மருத்துவமனைக்கு அனுப்பி வைத்தனர். பின்னர் லாரி ஓட்டுனரை கைது செய்து, தொடர்ந்து விசாரணை மேற்கொண்டு வருகின்றனர். இந்த சம்பவம் அப்பகுதியில் சோகத்தை ஏற்படுத்தியுள்ளது.
English Summary
women died for accident in kerala