இன்ஸ்டாகிராம் நேரலையில் இளைஞர் ஒருவர் தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது. இந்த சம்பவம் தொடர்பாக அவரது மனைவி மற்றும் மாமியார் கைது செய்யப்பட்டுள்ளனர்.

மத்திய பிரதேசம் ரேவா மாவட்டம் மெஹ்ரா கிராமத்தைச் சேர்ந்தவர் 27 வயதான சிவபிரகாஷ் திவாரி. இவரது மனைவி பிரியா சர்மா 24 வயது. கடந்த 02 ஆண்டுகளுக்கு முன்பு இவர்கள் இருவருக்கும் திருமணமாகியுள்ளது. இவர்களுக்கு ஒரு மகள் இருக்கிறார். பிரியா சர்மாவுக்கு வேறொரு நபருடன் தொடர்புஇருந்துள்ளது. இதை அறிந்த கணவர் சிவபிரகாஷ், திருமண வாழ்க்கை பாதிக்கப்படக் கூடாது என்பதற்காக ரகசியமாக வைத்துள்ளார்.

அந்த நிலையில், சிவபிரகாஷ் ஒரு விபத்தில் சிக்கியுள்ளார். அதனால் அவரது காலில் பலத்த காயம் ஏற்பட்டு நடக்க முடியாமல் போயுள்ளார். இந்த நேரத்தில், பிரியா தன் குழந்தையை அழைத்துக் கொண்டு தனது தாய் வீட்டுக்கு சென்றுள்ளார். தனது மனைவியை சமாதானம் செய்ய சிவபிரகாஷ், மனைவியின் வீட்டிற்குச் சென்றுள்ளார். ஆனால் பிரியா, அவருடன் வர மறுத்துள்ளார்.

இதனால், சிவபிரகாஷ் மனமுடைந்துள்ளார். அப்போது இன்ஸ்டாகிராம் நேரலையில் தூக்கிட்டு தற்கொலை செய்து கொண்டுள்ளார். அப்போது அவர் நேரலையில், தனது மனைவி மற்றும் மாமியார் இருவரும் தனது குடும்பத்தையே உடைத்துவிட்டதாகவும், அவர்களே தனது தற்கொலைக்கு காரணம் என்றும், சிவபிரகாஷ் கூறியிருந்தார்.

இவ்வாறு சிவபிரகாஷ் தற்கொலை செய்து கொள்ளும் 44 நிமிட நேரலையை அவரது மனைவி பிரியாவும், மாமியாரும் பார்த்துக்கொண்டு இருந்துள்ளனர். இந்த சம்பவம் தொடர்பாக பிரியா மற்றும் அவரது தாய் கீதா துபே இருவரையும் போலீசார் கைது செய்துள்ளனர். நீதிமன்ற காவலில் உள்ள அவர்களிடம் விசாரணை நடத்தி வருகின்றனர்.

Note;- தற்கொலை ஒருபோதும் எதற்கும் தீர்வாகாது. மன அழுத்தம் அல்லது தற்கொலை எண்ணங்கள் ஏற்பட்டால், அவற்றை எதிர்கொள்ள உங்களுக்கு உதவி தேவை என்பதை நினைவில் கொள்ளுங்கள். தயவுசெய்து பின்வரும் உதவி எண்களை அழைக்கவும்:

தமிழக சுகாதார சேவை உதவி மையம்: 104
சினேகா தற்கொலை தடுப்பு உதவி மையம்: 044-24640050

இந்த எண்கள் மூலம், மனநல ஆலோசகர்கள் மற்றும் நிபுணர்களுடன் தொடர்பு கொண்டு உங்கள் உணர்வுகளைப் பகிர்ந்து கொள்ளலாம். அவர்கள் உங்களுக்குத் தேவையான ஆதரவையும் வழிகாட்டுதலையும் வழங்குவார்கள்.