தண்டவாளத்தை கடக்க முயன்ற இளைஞர்.! ரயில் மோதி பரிதாபமாக உயிரிழப்பு.!

அக்னிபாத் திட்டத்திற்கான நேர்முகத் தேர்வில் கலந்து கொள்ள வந்த இளைஞர் தண்டவாளத்தை கடக்கும் முயன்ற போது ரயில் மோதி உயிரிழந்துள்ளார்.

மகாராஷ்டிரா மாநிலம் தானே மாவட்டத்தில் உள்ள மும்ரா ரயில் நிலையத்தில் நேற்று காலை 11 மணி அளவில் இளைஞர் ஒருவர் தண்டவாளத்தை கடக்க முயன்றுள்ளார். அப்பொழுது எதிர்பாராத விதமாக அந்த வழித்தடத்தில் வந்த ரயில் இளைஞர் மீது மோதியது. இதில் இளைஞர் தூக்கி வீசப்பட்டு படுகாயமடைந்துள்ளார்.

இதையடுத்து இந்த விபத்து குறித்து தகவல் அறிந்து வந்த ரயில்வே போலீசார், படுகாயமடைந்த இளநரை மீட்டு சிகிச்சைக்காக மருத்துவமனைக்கு அனுப்பி வைத்தனர். ஆனால் அங்கு பரிசோதனை செய்த மருத்துவர் இளைஞர் வரும் வழியிலேயே உயிரிழந்துவிட்டதாக தெரிவித்துள்ளார்.

இதைத்தொடர்ந்து இந்த சம்பவம் குறித்து தானே ரயில்வே போலீசார் வழக்கு பதிவு செய்து விசாரணை மேற்கொண்டதில், துலே மாவட்டத்தை சேர்ந்த ராமேஷ்வர் தேவ்ரே(21) என்பதும், அக்னிபத் திட்டத்திற்கான நேர்முகத்தேர்வில் கலந்து கொள்ள மும்பை வந்ததும் தெரியவந்துள்ளது.