ஜோதிடத்தில் வாரத்தின் ஒவ்வொரு கிழமைகளும் ஒவ்வொரு கிரகங்களுக்கானதாக கருதப்படுகிறது. அந்த வகையில் சில நாட்களில் சில பொருட்களை வாங்கக் கூடாது என்று ஜோதிடம் சொல்கிறது. எனவே என்னென்ன கிழமைகளில் என்னென்ன பொருட்களை வாங்கக் கூடாது என்று இங்கு பார்ப்போம். 

திங்கட்கிழமை : சிவ பெருமானுக்கு உகந்த நாளான இன்று, எந்த தானியங்களும் வாங்க கூடாது. அது போலவே கலை சம்பந்தப்பட்ட பொருட்கள், விளையாட்டு உபகரணங்கள், மின்னணு சாதனங்கள், வாகனங்கள் உள்ளிட்டவற்றை வாங்கவே கூடாது. 

செவ்வாய்க்கிழமை : பால், மரம் மற்றும் தோல் சம்பந்தப்பட்ட பொருட்கள், உலோகங்கள், காலணிகள் வாங்குவதை தவிர்க்க வேண்டும். 

புதன் கிழமை : வீடு, மனை, அது சம்பந்தமான பத்திரங்கள், அரிசி, பருப்பு உள்ளிட்டவை மற்றும் மண்ணெண்ணெய் போன்ற பொருட்களை வாங்கவே கூடாது. 

வியாழக் கிழமை : குரு பகவானுக்கு உகந்த நாளான இன்று, எந்த கண்ணாடிப் பொருட்களையும் வாங்குதல் கூடாது. மேலும் பூஜைக்கு தேவையான பொருட்கள், கத்தி போன்ற கூர்மையான பொருட்களை வாங்குவதை தவிர்க்க வேண்டும். 

வெள்ளிக் கிழமை : வெள்ளிக்  கிழமையில் கத்தி, கத்திரிக்கோல் உள்ளிட்ட பொருட்கள், இரும்பு பொருட்களை வாங்கவே கூடாது. மேலும் சமையலுக்குத் தேவையான மசாலா பொருட்களை வாங்கவோ, அரைக்கவோ கூடாது. 

சனிக் கிழமை : சனி பகவானுக்கு உகந்த நாளாகக் கருதப்படும் இன்று, உப்பை கண்டிப்பாக வாங்கவே கூடாது. மேலும் எடை அதிகமுள்ள பொருட்கள், வீடு மற்றும் இரும்பு சம்பந்தமான பொருட்களை கண்டிப்பாக வாங்க கூடாது. 

ஞாயிற்றுக் கிழமை : ஞாயிற்றுக் கிழமையில் இரும்பு சம்பந்தமான எந்த விதமான பொருட்களையும் வாங்கவே கூடாது.