செங்கோட்டையன் இல்லாத பொறுப்பாளர்கள் பட்டியல்! அதிமுகவில் வெடிக்கும் பூகம்பம்!

2026 சட்டப்பேரவைத் தேர்தலையொட்டி, சட்டப்பேரவைத் தொகுதி வாரியக பூத் கமிட்டி அமைப்பது, கட்சியின் வளர்ச்சிப் பணிகளை துரிதப்படுத்துவது முதலிய பணிகளை மேற்கொள்ள அதிமுக மாவட்ட பொறுப்பாளர்கள் நியமிக்கப்பட்டுள்ளனர்.

இந்த அதிமுக மாவட்ட பொறுப்பாளர்கள் பட்டியலில் அக்கட்சியின் மூத்த தலைவர்களில் ஒருவரான செங்கோட்டையனின் பெயர் இடம் பெறவில்லை.

ஏற்கனவே செங்கோட்டையன் குறித்து பல்வேறு சர்ச்சைகள் எழுந்துள்ள நிலையில், பட்டியலில் அவரின் பெயர் இடம்பெறாமல் போனது தற்போது பெரும் விவாத பொருளாக மாறியுள்ளது.

தற்போது பொறுப்பாளர்களாக நியமிக்கப்பட்டவர்கள், கட்சியின் இளம் தலைமுறை விளையாட்டு வீரர்கள் அணியில், ஊராட்சி, நகர வார்டு, பேரூராட்சி வார்டு, மாநகராட்சி வட்ட அளவில், விளையாட்டு வீரர்களை அதிக அளவில் உறுப்பினர்களாகச் சேர்ப்பது முதலான பணிகளை, மாவட்டக் கழகச் செயலாளர்களுடன் இணைந்து விரைவாக முடிக்க நடவடிக்கை எடுக்க வேண்டும் என்றும் அதிமுக தரப்பில் தெரிவிக்கப்பட்டுள்ளது.