அதிமுக கூட்டத்தில் இரு தரப்பினரிடையே ஏற்பட்ட வாக்குவாதம் கைகலப்பாக மாறிய சம்பவம் பெரும் பரபரப்பை ஏற்படுத்தி உள்ளது.

முன்னாள் அமைச்சர் எஸ்பி வேலுமணி முன்னிலையில் நடைபெற்ற இந்த கூட்டத்தில், நிர்வாகிகள் இடையே வாக்குவாதம் ஏற்பட்டு, அது கைகலப்பாக அரங்கேறி உள்ளது.

நெல்லை மாவட்ட அதிமுக கள ஆய்வுக் கூட்டம் இன்று நடைபெற்றது. இந்த கூட்டத்தில் எஸ்பி வேலுமணி உள்ளிட்ட அதிமுகவின் மூத்த நிர்வாகிகள் கலந்து கொண்டு, நிர்வாகிகளுக்கு ஆலோசனைகளையும் சில அறிவுறுத்தல்களையும் தெரிவித்து கொண்டு இருந்தனர்.

அப்போது கூட்டத்தில் பங்கேற்ற கொள்கை பரப்புச் செயலாளர், அதிமுக மாவட்ட செயலாளர் பணிகளை செய்யவில்லை என புகார் அளித்ததால் இந்த பிரச்சனை ஏற்பட்டுள்ளது.

முன்னாள் அமைச்சர் எஸ்.பி.வேலுமணி முன்னிலையில் மோதிக்கொண்ட அதிமுக நிர்வாகிகள்

அதிமுக மாவட்ட செயலாளர் பணிகளை செய்யவில்லை என கொள்கை பரப்புச் செயலாளர் புகார் கூறியதால் பிரச்சினை#Tirunelveli | #ADMK pic.twitter.com/g5Dj5B0noR

— PuthiyathalaimuraiTV (@PTTVOnlineNews) November 22, 2024

ஒரு கட்டத்தில் இரண்டு தரப்புக்கும் இடையே கைகலப்பாக இந்த மோதல் மாறியது. இதனால் கூட்டமே போர்க்களமாக மாறியது. பின்னர் முன்னாள் அமைச்சர் எஸ்பி வேலுமணி உள்ளிட்டவர்களின் அறிவுத்தவர்களின் பெயரில் இரு தரப்பினரும் அமைதியாகினர். 

வீடியோ நன்றி: புதிய தலைமுறை