திமுக செந்தில் பாலாஜியுடன் ரகசிய சந்திப்பு.. பாஜக பெண் நிர்வாகி மீது அதிரடி நடவடிக்கை.!

மின்துறை அமைச்சர் செந்தில் பாலாஜியை நேரில் சந்தித்து திமுகவில் இணைவது பற்றி பேச்சுவார்த்தை நடத்தியதாக கூறி கோவை மாவட்ட பாஜக மகளிரணியைச் சேர்ந்த மைதிலி வினோ என்பவரை பாஜக கோவை மாவட்ட தலைவர் பாலாஜி உத்தம ராமசாமி கட்சியிலிருந்து நீக்கியுள்ளார்.

இது குறித்து அவர் வெளியிட்டுள்ள செய்தி குறிப்பில், "கோவை மாநகர் மாவட்டத்தை சேர்ந்த திருமதி மைதிலி வினோ என்பவர் கட்சியின் கட்டுப்பாட்டை மீறி, கட்சிக்கு களங்கம் விளைவிக்கும் செயல்களில் ஈடுபட்டு வருவதால் இன்று முதல் அவர் கட்சியின் அடிப்படை உறுப்பினர் பொறுப்பிலிருந்து நீக்கப்படுகிறார்.

ஆகவே, கட்சி நிர்வாகிகள் மற்றும் தொண்டர்கள் அவரிடம் கட்சி குறித்த எந்தவிதமான தொடர்பும் வைத்துக் கொள்ள வேண்டாம் என அறிவுறுத்தபடுகிறது." என்று தெரிவித்துள்ளார்.