பட்ஜெட் கூட்டத்தொடரின் 2வது அமர்வு தொடக்கம்.!!
budget 2022 meeting start
பாராளுமன்ற பட்ஜெட் கூட்டத்தொடரின் 2வது அமர்வு இன்று தொடங்கியது.
பாராளுமன்ற பட்ஜெட் கூட்டத்தொடர் கடந்த ஜனவரி மாதம் 30ஆம் தேதி குடியரசுத் தலைவர் உரையுடன் தொடங்கியது. இதையடுத்து, பிப்ரவரி 1ஆம் தேதி மத்திய பட்ஜெட் தாக்கல் செய்யப்பட்டது. முதற்கட்ட அமர்வு பிப்ரவரி 11 ஆம் தேதி வரை நடைபெற்றது.
இந்நிலையில், பட்ஜெட் கூட்டத் தொடரின் இரண்டாம் கட்ட அமர்வு இன்று தொடங்குகிறது. ஏப்ரல் 8ஆம் தேதி வரை இந்த கூட்டத்தொடர் நடைபெறும் எனத் தெரிவித்துள்ளனர். கொரோனா பரவல் காரணமாக முதற்கட்ட கூட்டத்தொடரில் காலையில் மாநிலங்களவையிலும், மாலையில் மக்களவையிலும் செயல்பட்டது.
தற்போது கொரோனா தொற்று குறைந்துள்ளதால் இரு சபைகளும் வழக்கம்போல் காலை 11 மணிக்கு தொடங்க உள்ளது. முதல் நாளான இன்று காலை ஜம்மு - காஷ்மீருக்கான பட்ஜெட்டை மத்திய நிதி அமைச்சர் நிர்மலா சீதாராமன் மக்களவையில் தாக்கல் செய்வார் என கூறப்படுகிறது. இதையடுத்து, அதன் மீது விவாதங்கள் நடைபெறும் என கூறப்படுகிறது.
English Summary
budget 2022 meeting start