#BigBreaking || காங்கிரஸ் தலைவர் தேர்தலில் திக் விஜய சிங் போட்டி.! நாளை வேட்புமனு தாக்கல்.!
digvijay singh in congress leader election
ராகுல் காந்தி கடந்த 2019-ல் காங்கிரஸ் தலைவர் பதவியை ராஜினாமா செய்தார். தற்போது, வரை இடைக்கால தலைவராக சோனியா காந்தி பதவியில் இடம்பெற்று இருக்கின்றார். இந்த நிலையில், தற்போது காங்கிரஸ் கட்சி தலைவர் பதவிக்கான தேர்தல் அறிவிக்கப்பட்டுள்ளது.
வரும் அக்டோபர் 17ல் இந்த தேர்தல் நடைபெறவுள்ளது. எனவே, இதில் போட்டியிட விரும்பும் வேட்பாளர்கள் வரும் செப்டம்பர் 24ஆம் தேதியிலிருந்து முதல் 30-ம் தேதி வரை வேட்புமனுவை தாக்கல் செய்யலாம் என தெரிவிக்கப்பட்டுள்ளது.
இதன் அடிப்படையில், அக்டோபர் 19ஆம் தேதி காங்கிரஸ் கட்சியின் தலைவர் யார் என்பது அறிவிக்கப்பட இருக்கிறது. இந்த காங்கிரஸ் தலைவர் பதவியில் ராகுல் காந்தி போட்டியிடுவார் என்று எதிர்பார்க்கப்பட்ட நிலையில் அவர் போட்டியிடவில்லை என்று கூறப்படுகிறது.
இதில் மற்ற காங்கிரஸ் மூத்த தலைவர்களும் போட்டியிட திட்டமிட்டுள்ளனர். இந்த தேர்தலில் சசிதரூர் மற்றும் அசோக் கெலாட் ஆகியோர் போட்டியிட திட்டமிட்டுள்ளதாக கூறப்பட்டது.
இந்த நிலையில், இதில் காங்கிரஸ் மூத்த தலைவர் திக் விஜய சிங்கும் போட்டியிடவுள்ளதாக அறிவித்துள்ளார். மேலும், நாளை அவர் வேட்புமனு செய்யவுள்ளதாகவும் அந்த அறிவிப்பில் தெரிவிக்கப்பட்டுள்ளது.
English Summary
digvijay singh in congress leader election