முன்னாள் முதல்வர் ஜெயலலிதா மரணம் குறித்த ஆறுமுகசாமி ஆணைய அறிக்கை இன்று சட்டப்பேரவையில் தாக்கல் செய்யப்பட்டுள்ளது. இந்த ஆணையத்தின் அறிக்கை படி, மூன்று விவகாரங்கள் அம்பலமாகியுள்ளது.

ஒன்று - குற்றவாளிகள் : 

சசிகலா, கே எஸ் சிவகுமார், முன்னாள் சுகாதாரத்துறை அமைச்சர் விஜயபாஸ்கர், சுகாதாரத்துறை செயலாளர் ஜெ.ராதாகிருஷ்ணன் ஆகியோர் குற்றம் செய்தவர்களாக முடிவு செய்து, விசாரணைக்கு உத்தரவிட வேண்டும்.

இரண்டு - மரண நேரம் :

டிச.4ம் தேதி மதியம் 3.30 மணி - 3.50க்குள் ஜெயலலிதா மரணம் என 2 பேர் சாட்சியம் அளித்துள்ளதாக அறிக்கையில் தெரிவிக்கப்பட்டுள்ளது. அதனை ஆணையமும் உறுதியாக அறிக்கையில் குறிப்பிட்டுள்ளது.

மூன்று - உயிரை காப்பற்றியிருக்கலாம் :

அமெரிக்க மருத்துவரின் ஆலோசனையை ஏற்றிருந்தால் முதல்வரின் உயிரை காப்பாற்றியிருக்க முடியும்.

இங்கிலாந்து மருத்துவரின் வாய்வழி கருத்தை ஏற்று, இதய அறுவை சிகிச்சை தேவையில்லை என அப்போது முடிவு செய்யப்பட்டுள்ளது.

எய்ம்ஸ் மருத்துவக் குழு 5 முறை அப்பல்லோ மருத்துவமனைக்கு வந்தும், சரிவர அவர்கள் சிகிச்சை அளிக்கவில்லை. ஆஞ்சியோ செய்ய ரிச்சர்ட் பீலே அறிவுறுத்தியும், சிகிச்சை அளிக்கப்படவில்லை.

ஆஞ்சியோ & அறுவை சிகிச்சை செய்ய சிறப்பு மருத்துவர்களை, மருத்துவர்கள் Y.V.C ரெட்டி & பாபு ஆப்ரஹாம் அழைத்துள்ளனர். 

ஆனால் "சில அழுத்தத்தின்" காரணமாக சிகிச்சை செய்யாமல் "காலம் தாழ்த்தி"யுள்ளனர். இதுபற்றி விசாரிக்க வேண்டும் என்று, ஆறுமுகசாமி ஆணையம் அறிக்கையில் குறிப்பிட்டு இருப்பது, அதிமுகவினரை மட்டுமில்லாமல், ஒட்டுமொத்த தமிழகத்தையும் பதற வைத்துள்ளது.