#சென்னை | வாகன விபத்தில் சிக்கிய திமுக கவுன்சிலர் மகன்.! திட்டமிட்ட சதியா? போலீஸ் விசாரணை.!
madipakkam dmk counselor son
சென்னை மடிப்பாக்கம் பகுதியை சேர்ந்தவர் ஜெயச்சந்திரன். இவரது முதல் மகன் மணிகண்டன் புழுதிவாக்கம் 186-வது வார்டு திமுக கவுன்சிலராக உள்ளார். இவரது இரண்டாவது மகன் பர்மன் முன்னாள் கவுன்சிலராக இருந்தார்.
இந்த நிலையில், பர்மனின் வீட்டிற்கு பக்கத்தில் வசிக்கும் வேலாயுதம் என்பவரது வீட்டிற்கு வந்த அவரது உறவினர்கள் கூச்சலிட்டு பிரச்னை செய்தனர்.
அவர்களை பர்மன் சமாதானப்படுத்த முயன்றார். ஆனால், அவர்கள் குடிபோதையில் இருந்ததால் பர்மனிடம் அநாகரீகமாக நடந்து கொண்டனர்.
இதன் பின்னர், நேற்று பர்மன் தனது இருசக்கர வாகனத்தில் வீட்டிலிருந்து புறப்பட்டபோது, அவரை பின்தொடர்ந்த வந்த கார் அவர் மீது திடீரென மோதியது. இதில், பர்மன் எதிரே வந்த ஆட்டோ மீது விழுந்ததால் அவருக்கு பலத்த காயம் ஏற்பட்டது.
இது தொடர்பாக, மடிப்பாக்கம் காவல் நிலையத்தில் அளிக்கப்பட்ட புகாரின் பேரில் காவல்துறையினர் விசாரணை நடத்தி வருகின்றனர்.
மேலும் காவல்துறையினர் சம்பவம் நடந்த இடத்தில் உள்ள சிசிடிவி கேமராவில் பதிவாகியுள்ள காட்சிகளை ஆய்வு செய்து வருகின்றனர்.
English Summary
madipakkam dmk counselor son