விஜயுடன் திருமா கூட்டணி! அதிமுக, காங்கிரஸ் நண்பர்களா? கிழித்தெடுத்த சீமான்!

தமிழக வெற்றி கழகத்துடன் விடுதலை சிறுத்தைகள் கட்சி கூட்டணி வைக்காது என்று, நாம் தமிழர் கட்சியின் ஒருங்கிணைப்பாளர் சீமான் தெரிவித்துள்ளார்.

இன்று சென்னையில் செய்தியாளர்களை சந்தித்த சீமான், "தமிழக வெற்றி கழகத்துடன் திமுக கூட்டணியில் உள்ள விடுதலை சிறுத்தைகள் கட்சி கூட்டணி வைக்காது.

எனது ஆசிரியரான திருமாவளவன் எப்போதும் தெளிவான முடிவையே எடுப்பார். நான் கூட கூட்டணி வைக்க மாட்டேன் என்ற போது, என்னைவிட அனுபவமுள்ள திருமாவளவன் அதை செய்யப்போவதில்லை" எனத் தெரிவித்தார்.

தொடர்ந்து பேசிய சீமான், "அதிமுக தலைவி ஊழலுக்காக சிறைக்கு சென்றதை மறந்துவிடக்கூடாது. ஊழல் குற்றச்சாட்டுக்கு ஆளான அதிமுகவைக் குறித்து விஜய் ஏன் இதுவரை விமர்சிக்கவில்லை?

அதிமுகவை விஜய் ஏன் இதுவரை விமர்சிக்கவில்லை? காங்கிரஸ், அதிமுக உங்கள் எதிரி இல்லையா என்றும், தமிழக வெற்றி கழக தலைவர் விஜய்க்கு சீமான் கேள்வி எழுப்பி கேள்வி எழுப்பி உள்ளார்.

மேலும் பாஜகவிற்கும் காங்கிரசிற்கும் எந்த வேறுபாடும் இல்லை என்றும், இரண்டும் ஒன்றுதான் என்றும் சீமான் தெரிவித்துள்ளார்.