லெபனானில் குண்டுமழை பொழிந்த இஸ்ரேல்!....52 பேர் பலி!
Israel rained bombs in lebanon 52 people died
கடந்த 2023-ம் ஆண்டு அக்டோபர் 7-ம் தேதி இஸ்ரேலின் எல்லையை ஒட்டிய பகுதியில், ஹமாஸ் அமைப்பினர் ஆயுதங்களை கொண்டு கொடூர தாக்குதல் நடத்தினர். இந்த போர் தொடங்கி ஓராண்டினை நிறைவு செய்துள்ளது.
இதற்கிடையே, இஸ்ரேல் ராணுவம், காசாவில் ஹமாஸ் அமைப்பினரை ஒழிக்கும் நோக்கில் போரிட்டு வரும் நிலையில், லெபனானை சேர்ந்த ஹிஸ்புல்லா அமைப்பினர் நாள்தோறும் இஸ்ரேலை தாக்கி வந்தனர். இந்த சூழ்நிலையில் பல்வேறு வழிகளை கையாண்ட இஸ்ரேல் ஹிஸ்புல்லா அமைப்பினரை குறிவைத்து லெபனான் மீது தாக்குதல் நடத்தி வருகிறது.
மேலும் இஸ்ரேல் பதில் தாக்குல் நடத்தினால் விளைவுகள் மோசமாக இருக்கும் என்று ஈரான் எச்சரித்துள்ளது.
இந்த நிலையில், லெபனானின் தெற்கு மற்றும் கிழக்கு பகுதிகளில் இஸ்ரேல் போர் விமானம் சரமாரி குண்டு மழை பொழிந்ததாக தகவல் வெளியாகி உள்ளது. இந்த கொடூர தாக்குதலில் 52 பேர் கொல்லப்பட்டதாக தகவல்கள் கூறுகின்றது.
அதன்படி, பால்பெக் நகரம் மற்றும் அதைச் சுற்றியுள்ள நகரங்கள் மீது இஸ்ரேல் நடத்திய வான்வழித் தாக்குதலில் 52 பேர் கொல்லப்பட்டதாகவும், 72 பேர் காயமடைந்துள்ளதாக தகவல் வெளியாகி உள்ளது.
English Summary
Israel rained bombs in lebanon 52 people died