ஐ.எஸ்.எல் கால்பந்தின் 1000-வது ஆட்டம் : இன்று சென்னை - மும்பை அணிகள் பலப்பரீட்சை!

இந்தியாவின் பல்வேறு நகரங்களில் 13 அணிகள் பங்கேற்றுள்ள 11-வது இந்தியன் சூப்பர் லீக் கால்பந்து தொடரான ஐ.எஸ்.எல் தொடர் கடந்த மாதம் 13-ம் தேதி முதல் நடைபெற்று வருகிறது. இந்த தொடரில் இன்று சென்னை நேரு அரங்கத்தில் நடைபெறும் லீக் ஆட்டத்தில் முன்னாள் சாம்பியன் சென்னையின் எப்.சி. - நடப்பு சாம்பியன் மும்பை சிட்டி எப்.சி அணிகள் இன்று மாலை 5 ,அணிக்கு மோதுகிறது.

2014-ம் ஆண்டு தொடங்கப்பட்ட ஐ.எஸ்.எல். கால்பந்து வரலாற்றில், இன்று நடைபெறும் ஆட்டம் 1,000-வது ஆட்டம் என்பது கூடுதல் சிறப்பு.

இந்த தொடரில் இதுவரை சென்னை அணி 7 ஆட்டங்களில் ஆடி 3 வெற்றி, 2 டிரா, 2 தோல்வி கண்டுள்ளது. மும்பை அணி 6 ஆட்டங்களில் 2 வெற்றி, 3 டிரா, ஒரு தோல்வியை சந்தித்திருக்கிறது. இந்திய நேரப்படி இந்த ஆட்டம் மாலை 5 மணிக்கு தொடங்குகிறது.

தொடர்ந்து கொல்கத்தாவில் இன்று நடைபெறும் மற்றொரு ஆட்டத்தில் ஈஸ்ட் பெங்கால் எப்.சி. - முகமதன் எஸ்.சி அணிகள் மோதுகிறது.