டி20 போட்டியின் சூப்பர்-8 போட்டியில் இந்தியாவும் வங்கதேசமும் எதிர்கொண்டன. இந்திய அணி தனது இரண்டாவது சூப்பர்-8 ஆட்டத்தில் மீண்டும் வெற்றி பெற்றது. இந்திய அணி 50 ரன்கள் வித்தியாசத்தில் வங்கதேச அணியை வீழ்த்தி வெற்றி கண்டது. ஆல்ரவுண்ட் சிறப்பாக செயல்பட்ட ஹர்திக் பாண்டியா ஆட்ட நாயகனாக தேர்வு செய்யப்பட்டார். பாண்டியா அரைசதம் அடித்து ஒரு விக்கெட்டையும் கைப்பற்றினார்.

கரிபீயன் தீவின் ஆன்டிகுவாவில் உள்ள சர் விவியன் ரிச்சர்ட்ஸ் மைதானத்தில் நேற்று நடைபெற்ற இந்த ஆட்டத்தில், டாஸ் வென்ற வங்கதேச கேப்டன் நஸ்முல் ஹசன் சாண்டோ முதலில் பந்துவீச முடிவு செய்தார். இந்திய பேட்ஸ்மேன்கள் வங்கதேச பந்துவீச்சாளர்களுக்கு எதிராக சரமாரியாக அடித்து ஆடினார். இந்தியா நிர்ணயிக்கப்பட்ட 20 ஓவர்களில் 5 விக்கெட் இழப்புக்கு 196 ரன்கள் குவித்தது. 

இந்தியா அணியின் தொடக்க ஆட்டக்காரர்களான ரோகித் ஷர்மா 11 பந்துகளில் 23 ரன்களும், விராட் கோலி 28 பந்துகளில் 37 ரன்களும் எடுத்தனர். நான்காவது ஓவரில் ரோகித் சர்மா அவுட்டான பிறகு விளையாட வந்த ரிஷப் பந்த் 36 ரன்கள் எடுத்தார். சூர்ய குமார் யாதவ் 6 ரன்கள் மட்டுமே எடுத்தார் மற்றும் சிவம் துபே 34 ரன்கள் எடுத்தார். 

ஆட நாயகனான ஹர்திக் பாண்டியா ஆட்டமிழக்காமல் 50 ரன்கள் குவித்தார். ஹர்திக் பாண்டியா 27 பந்துகளில் அரைசதத்தை பூர்த்தி செய்தார். அக்சர் படேல் 3 ரன்கள் எடுத்தார். டான்சிம் ஹசன் சாகிப் மற்றும் ரிஷாத் ஹுசைன் ஆகியோர் தலா 2-2 விக்கெட்டுகளையும், ஷகிப் அல் ஹசன் ஒரு விக்கெட்டையும் கைப்பற்றினர்.

பிறகு காலம் இறங்கிய வங்கதேச அணி இந்திய அணி நிர்ணயித்த இலக்கை துரத்தி வங்கதேச வீரர்கள் சிறப்பாக செயல்பட்டனர். ஆனால் அதற்க்கு பின்னர் வந்த வங்கதேச வீரர்களால் நிலைமையை சமாளிக்க  முடியவில்லை. தொடக்க ஆட்டக்காரர் லிட்டன் தாஸ் 13 ரன்களும், தன்சித் ஹசன் 29 ரன்களும் எடுத்தனர். 

கேப்டன் நஸ்முல் ஹுசைன் சாண்டோ 40 ரன்கள் குவித்தார். தௌஹீத் ஹிருதயா 4 ரன்களும் , ஷகிப் அல் ஹசன் 11 ரன்களும் பெற்றனர். மஹ்முதுல்லா 13 ஓட்டங்களையும், ரிஷாட் ஹுசைன் 24 ஓட்டங்களையும் பெற்றுக் கொண்டனர். ஜாகிர் அலி 1 ரன்னிலும், தன்சிம் ஹசன் சாகிப் 1 ரன்னிலும், மகேதி ஹசன் 5 ரன்னிலும் ஆட்டமிழந்தனர். 

கடைசியில் 20 ஓவர்கள் முடிவில் வங்கதேச அணியால்  8 விக்கெட் இழப்புக்கு 146 ரன்கள் மட்டுமே எடுக்க முடிந்தது. குல்தீப் யாதவ் 3 விக்கெட்டுகளையும், அர்ஷ்தீப் சிங்-ஜஸ்பிரித் பும்ரா 2-2 விக்கெட்டுகளையும் வீழ்த்தினர். ஹர்திக் பாண்டியா ஒரு விக்கெட்டையும் கைப்பற்றினார். ஆட்ட நாயகனாக பாண்டியா அறிவிக்கப்பட்டார்.