விஸ்வநாதன் ஆனந்தையே பின்னுக்குத் தள்ளிய குகேஷ்.!!
Gukesh preceded Viswanathan Anand
தமிழகத்தைச் சேர்ந்த இளம் செஸ் வீரரான குகேஷ் இந்தியாவின் நம்பர் ஒன் செஸ் வீரராக முன்னேறி உள்ளார். உலக செஸ் தரவரிசை பட்டியலின் லைவ் ரேட்டிங் அடிப்படையில் 2755.9 புள்ளிகள் பெற்று குகேஷ் உலக அளவில் 9வது இடத்தை பிடித்துள்ளார்.
ஜாம்பவான் விஸ்வநாதன் ஆனந்த் 2754 புள்ளிகள் உடன் 10வது இடத்தை பிடித்துள்ளார். இதன் மூலம் இந்திய அளவில் முதலிடத்தில் இருந்த விஸ்வநாதன் ஆனந்தை பிண்ணுக்கு தள்ளி குகேஷ் முதலிடம் பிடித்துள்ளார்.
முதல் முறையாக டாப் 10 ஜாம்பவான்கள் பட்டியலில் 17 வயதான தமிழகத்தைச் சேர்ந்த குகேஷ் இடம்பிடித்துள்ளார். இவருக்கு பல்வேறு தரப்பட்ட மக்களும், செஸ் ஆர்வலர்களும், விளையாட்டு வீரர்களும், தமிழக முதல்வர் மு.க ஸ்டாலினும் வாழ்த்து தெரிவித்துள்ளனர்.
இது குறித்து தனது டுவிட்டர் பக்கத்தில் பதிவிட்டுள்ள முதல்வர் மு.க ஸ்டாலின் "முகேஷ் அசாத்திய சாதனை படைத்துள்ளார். திறமை மற்றும் உறுதியால் குகேஷ் உயர்நிலை எட்டியுள்ளார். குகேஷின் சாதனை இளம் வீரர்களுக்கு உத்வேகம் அளிக்கும். தமிழகத்திற்கு பெருமை சேர்க்கும் தருணம்" என வாழ்த்து தெரிவித்துள்ளார்.
English Summary
Gukesh preceded Viswanathan Anand