இந்தியா மற்றும் நியூஸிலாந்து அணிகள் இடையிலான முதல் டெஸ்ட் போட்டி இன்று பெங்களூரு சின்னசாமி மைதானத்தில் தொடங்குகிறது.

டாம் லேதம் தலைமையிலான நியூஸிலாந்து அணி இந்தியாவில் 3 டெஸ்ட் போட்டிகள் கொண்ட தொடரில் விளையாட வருகிறது. இந்திய அணி சமீபத்தில் வங்கதேசத்திற்கு எதிராக 2-0 என வெற்றியடைந்தது, அதே நேரத்தில் நியூஸிலாந்து இலங்கைக்கு எதிராக 0-2 என்ற முறையில் தோல்வியடைந்தது.

வங்கதேச தொடரில் இந்தியா அதிரடியாக செயல்பட்டு வெற்றி கண்டது. அந்த தொடரில் யஷஸ்வி ஜெய்ஸ்வால், ஷுப்மன் கில், அஸ்வின், ரிஷப் பந்த், ஜடேஜா ஆகியோர் சிறப்பாக விளையாடினர்.

ஆனால், ரோஹித் சர்மா மற்றும் விராட் கோலி தங்களது திறனை முழுமையாக வெளிப்படுத்தவில்லை, எனினும், தேவையான பங்களிப்பை வழங்கினர். ரோஹித் சர்மா 2024 ஆம் ஆண்டில் 8 டெஸ்ட் போட்டிகளில் 497 ரன்களை சேர்த்துள்ளார், அதே நேரத்தில், விராட் கோலிக்கு 6 இன்னிங்ஸ்களில் ஒரு அரை சதமும் இல்லை. விராட் கோலி சுழற்பந்து வீச்சில் தொடர்ந்து சிக்கலில் ஆட்டமிழந்து வருகிறார்.

= இது நியூஸிலாந்தின் அஜாஸ் படேல் மற்றும் ரச்சின் ரவீந்திரா போன்ற இடதுகை சுழற்பந்து வீச்சாளர்களுக்கு சாதகமாக இருக்கக்கூடும். அஜாஸ் படேல் கடந்த முறை இந்திய சுற்றுப்பயணத்தில் ஒரே இன்னிங்ஸில் 10 விக்கெட்களை வீழ்த்தி சாதனை படைத்திருந்தார்.

நியூஸிலாந்து அணியில், பேட்டிங் மற்றும் பந்து வீச்சு என இரண்டிலும் சவால்களை சந்தித்து வருகிறது. இலங்கை அணிக்கு எதிராக சுழற்பந்து வீச்சில் தடுமாறிய நியூஸிலாந்து பேட்ஸ்மேன்கள், இந்த தொடரில் இந்தியாவின் அஸ்வின் மற்றும் ஜடேஜா போன்றோருக்கு எதிராக கடின சவாலை எதிர்நோக்குவார்கள். 

அச்வின் மற்றும் ஜடேஜா மீண்டும் சிறந்த முறையில் களமிறங்க உள்ளனர், மேலும் பும்ரா, ஆகாஷ் தீப், முகமது சிராஜ் ஆகியோரும் நியூஸிலாந்து பேட்ஸ்மேன்களுக்கு சவால் தரவுள்ளனர். 

நியூஸிலாந்து அணியின் முக்கிய வீரர் கேன் வில்லியம்சன் காயம் காரணமாக இந்த முதல் போட்டியில் விளையாடவில்லை. வேகப்பந்து வீச்சாளர் பென் ஷியர்ஸும் காயம் காரணமாக விலகியதால், அவரது இடத்தை ஜேக்கப் டஃபி நிரப்புகிறார்.

இந்திய அணியில் ஷுப்மன் கில் காயம் காரணமாக முதல் போட்டியில் பங்கேற்க முடியாத நிலை உருவாகியுள்ளது. அவருக்கு பதிலாக சர்பராஸ் கான் வாய்ப்பு பெறலாம். விராட் கோலி டெஸ்ட் அரங்கில் 9 ஆயிரம் ரன்களை எட்ட 53 ரன்கள் மட்டுமே தேவை.