டி20 உலகக் கோப்பையின் இறுதிப் போட்டியில், பார்படாஸில் உள்ள கென்சிங்டன் ஓவல் மைதானத்தில் நேற்று நடைபெற்ற இறுதி போட்டியில், தென்னாப்பிரிக்க அணியை வெறும் 7 ரன்கள் வித்தியாசத்தில் இந்திய அணி  வீழ்த்தியது. இந்த வெற்றியின் மூலம் 17 ஆண்டுகளுக்குப் பிறகு டி20 உலகக் கோப்பையை இந்தியா வென்றுள்ளது.

முதலில் டாஸ் வென்ற இந்திய அணி முதலில் பேட்டிங் செய்ய முடிவு செய்தது. இந்திய அணி 20 ஓவரில் மொத்தம் 7 விக்கெட் இழப்புக்கு 176 ரன்கள் குவித்தது. முதலில் களம் இறங்கிய ரோகித் சர்மா மொத்தம் 5 பந்துகளில் 9 ரன்கள் எடுத்த நிலையில் அவுட் ஆனார். அவருக்குப் பின் வந்த ரிஷப் பந்த் 2 பந்துகள் விளையாடி 0 ரன்னில் அவுட் ஆனார். சூர்ய குமார் யாதவும் 4 பந்துகளில் 3 ரன்கள் எடுத்து அவுட் ஆனார்.

தொடர்ந்து மூன்று விக்கெட்டுகள் விழுந்தபோது, ​​​​அடுத்து களம் இறங்கிய விராட் கோலி எச்சரிக்கையுடன் தனது இன்னிங்ஸை ஆரமித்தார். அக்சர் படேலுடன் நல்ல பார்ட்னர்ஷிப் செய்தார். அக்சர் படேல் வேகமாக துடுப்பெடுத்தாடி 31 பந்துகளில் 47 ஓட்டங்களைப் பெற்றார். 

பின்னர் அக்சர் படேல் அவுட் ஆன பிறகு, ஷிவம் துபே வந்து 16 பந்துகளில் 27 ரன்கள் குவித்தார். விராட் அதிகபட்சமாக 76 ரன்கள் குவித்தார். ஹர்திக் பாண்டியா 2 பந்துகளில் 5 ரன்களும், ரவீந்திர ஜடேஜா 2 பந்துகளில் 2 ரன்களும் எடுக்க முடிந்தது. இந்தியா 7 விக்கெட்டுகளை இழந்து 176 ரன்கள் எடுத்து தென்னாப்பிரிக்காவுக்கு 177 ரன்கள் எடுத்தால் வெற்றி என்ற இலக்கை நிர்ணயித்தது.

மொத்தம் 177 ரன்கள் இலக்கை துரத்திய தென்னாப்பிரிக்க அணியை ஜஸ்பிரித் பும்ரா தனது பௌலிங் மூலம் திணறடித்தார். அவர் 4 ரன்களில் ரீசா ஹென்ட்ரிக்ஸை அவுட் செய்தார். அதன் பிறகு அர்ஷ்தீப் சிங் ஐடன் மார்க்ரமை 4 ரன்களில் ஆட்டமிழக்கச் செய்தார். இதன் பிறகு களம் இறங்கிய டிரிஸ்டன் ஸ்டப்ஸ் மற்றும் குயின்டன் டி காக் இடையே நல்ல பார்ட்னர்ஷிப் இருந்தது. தென்னாப்பிரிக்க அணியின் ஸ்கோர் 70 ரன்களாக இருந்தபோது ஸ்டப்ஸ் 31 ரன்கள் எடுத்திருந்த நிலையில் அவுட் ஆனார்.

ஸ்டப்ஸை அடுத்து களம் இறங்கிய ஹென்ரிச் கிளாசென் அதிரடியாக பேட்டிங் செய்தார். குயின்டன் டி காக் 106 ரன்களில் அர்ஷ்தீப் சிங்கால் அவுட் ஆனார். இதன் பிறகு களம் இறங்கிய டேவிட் மில்லர் மற்றும் கிளாசென் சிறப்பாக பேட்டிங் செய்தனர். இருவரும் போட்டியை தென்னாப்பிரிக்காவுக்கு சாதகமாக மாற்றினர். 

16வது ஓவரில் கிளாசனை ஹர்திக் பாண்டியா அவுட் ஆக்கினார். இதன் பிறகு, ஆட்டம் இந்திய அணிக்கு சாதகமாக மாறியது. அடுத்த ஓவரில் ஜான்சனை அவுட் செய்து பும்ரா இந்தியாவின் நம்பிக்கையை உயர்த்தினார். 20வது ஓவரில் டேவிட் மில்லரை அவுட்டாக்கி இந்தியாவுக்கு வெற்றியை தேடித் தந்தார் பாண்ட்யா.

பார்படாஸ் ஆடுகள மைதானம் பேட்டிங்கிற்கு சாதகமாக இருந்தது. ஸ்பின்னர்கள் இங்கு வேலை செய்யவில்லை. அக்சர் படேல், குல்தீப் யாதவ், ரவீந்திர ஜடேஜா ஆகியோரை பேட்ஸ்மேன்கள் அதிகம் தாக்கினர். அக்ஷர் ஒரு விக்கெட் வீழ்த்தினார். அவர் நான்கு ஓவர்களில் 12.25 என்ற கணக்கில் 49 ரன்கள் கொடுத்தார். குல்தீப் 4 ஓவரில் 45 ரன்கள் கொடுத்தார். ஜடேஜா ஒரு ஓவரில் 12 ரன்கள் மட்டுமே கொடுத்தார்.

இந்திய பந்து வீச்சாளர் ஜஸ்பிரித் பும்ரா தனது சிறப்பான ஆட்டத்தை தொடர்ந்து, நான்கு ஓவர்களில் 18 ரன்கள் கொடுத்து இரண்டு விக்கெட்டுகளை வீழ்த்தினார். மேலும் அர்ஷ்தீப் சிங்கும் தனது பங்குக்கு சிறப்பாக பந்து வீசினார். அவர் 4 ஓவர்களில் 20 ரன்களுக்கு 2 விக்கெட்டுகளை வீழ்த்தினார். மேலும் ஹர்திக் பாண்டியா 3 ஓவர்களில் 20 ரன்கள் விட்டுக்கொடுத்து 3 விக்கெட்டுகளை வீழ்த்தினார்.