ஐ.எஸ்.எல்.கால்பந்து கேரளா அணி வெற்றி.!

ஐ.எஸ்.எல். கால்பந்து போட்டியில் நார்த் ஈஸ்ட் யுனைடெட் அணியை வீழ்த்தி கேரளா பிளாஸ்டர்ஸ் அணி வெற்றி பெற்றது.

ஐ.எஸ்.எல். கால்பந்து போட்டியின் எட்டாவது சீசன் கோவாவில் நடைபெற்று வருகிறது. நேற்று வாஸ்கோடகாமாவில் நடைபெற்ற 81 -வது ஆட்டத்தில் கோவா பிளாஸ்டர்ஸ் அணியும், நார்த் ஈஸ்ட் யுனைடெட் அணியும் மோதின.

தொடக்கம் முதலே இரு அணி வீரர்களும் சம பலத்துடன் ஆடி வந்த நிலையில் ஆட்டத்தின் 61 வது நிமிடத்தில் கோவா அணியின் பிரெய்ரா டியாஸ் முதல் கோல் அடித்தார். தொடர்ந்து ஆட்டத்தின் 82-வது நிமிடத்தில் அதே அணியைச் சேர்ந்த அல்வாரோ வாஸ்கெஸ் மற்றொரு கோல் அடித்தார்.

இதனை தொடர்ந்து ஆட்டத்தின் 90-வது நிமிடத்தில் நார்த் ஈஸ்ட் யுனைடெட் அணியின் முகமது இர்ஷத் முதல் கோல் அடித்தார். ஆட்ட நேர முடிவில் கேரளா அணி 2-1 என்ற புள்ளி கணக்கில் வெற்றி பெற்றது.

இந்த வெற்றியின் மூலம் புள்ளிப் பட்டியலில், கேரளா அணி தொடர்ந்து இரண்டாவது இடத்திலும், தோல்வி அடைந்த நார்த் ஈஸ்ட் யுனைடெட் அணி 10-வது இடத்திலும் நீடிக்கிறது.