#BREAKING : பிசிசிஐ - யின் புதிய தலைவரானார் ரோஜார் பின்னி.!
Roger Binny appointed new BCCI president
பிசிசிஐ புதிய தலைவராக முன்னாள் இந்திய கிரிக்கெட் வீரர் ரோஜர் பின்னி தேர்வு செய்யப்பட்டுள்ளார்.
கடந்த 2019 ஆம் ஆண்டு பிசிசிஐ தலைவராக முன்னாள் கேப்டன் சவுரவ் கங்குலியும், செயலாளராக ஜெய்ஷாவும் தேர்வு செய்யப்பட்டனர். இந்த நிலையில் இந்த மாதத்துடன் பிசிசிஐ தலைவர் மற்றும் செயலாளர் பதவி காலம் முடிவடைந்தது.
இதில், கங்குலி பிசிசிஐ தலைவர் பதவியில் தொடர விரும்பினார். ஆனால் மற்ற நிர்வாகிகள் அவருக்கு எதிர்ப்பு தெரிவித்தனர். இதனையடுத்து கங்குலிக்கு ஐபிஎல் கமிட்டியின் தலைவர் பதவி வழங்கப்பட்டது. ஆனால், கங்குலி அதனை பெற்று கொள்ள விரும்பவில்லை.
இந்த நிலையில் இந்திய கிரிக்கெட் வாரியத்தின் (பிசிசிஐ) 91 வது ஆண்டு பொதுக்குழு கூட்டம் மும்பையில் இன்று நடைபெற்றது.
இந்த நிலையில் தற்போது பிசிசிஐ யின் புதிய தலைவராக கர்நாடகத்தை சேர்ந்த முன்னாள் கிரிக்கெட் வீரர் ரோஜர் பின்னி தேர்வு செய்யப்பட்டுள்ளார். மேலும், இந்திய கிரிக்கெட் வாரிய செயலாளராக ஜெய் ஷா மீண்டும் தேர்வாகிறார். மற்ற நிர்வாகிகளும் போட்டியின்றி தேர்வு செய்யப்படுகின்றனர்.
English Summary
Roger Binny appointed new BCCI president