டி20 உலக கோப்பையை வென்ற இங்கிலாந்து அணிக்கு இந்திய விராட் கோலி வாழ்த்து தெரிவித்துள்ளார்.

ஐசிசி 8வது டி20 உலகக் கோப்பை ஆஸ்திரேலியாவில் நடைபெற்று வந்த நிலையில், சூப்பர் 12 சுற்றுகளின் முடிவில் நியூஸிலாந்து, இங்கிலாந்து, இந்தியா மற்றும் பாகிஸ்தான் அணிகள் அரையிறுதிக்கு முன்னேறியது.

அதனைத் தொடர்ந்து நடைபெற்ற அரையிறுதி போட்டியில் நியூசிலாந்தை வீழ்த்தி பாகிஸ்தான் அணியும், இந்தியாவை வீழ்த்தி இங்கிலாந்து அணியும் இறுதிப் போட்டிக்கு முன்னேறியுள்ளது.

இந்த நிலையில் இன்று மதியம் 1.30 மணிக்கு மெல்போர்ன் மைதானத்தில் நடைபெறும் இறுதிப்போட்டியில் பாகிஸ்தான் - இங்கிலாந்து அணிகள் விளையாடி வருகின்றன. இதில் டாஸ் வென்ற இங்கிலாந்து அணி பவுலிங் தேர்வு செய்தது.

அதன்படி, முதலில் பேட்டிங் செய்த பாகிஸ்தான் அணி 20 ஓவர்கள் முடிவில் 8 விக்கெட் இழப்பிற்கு 137 ரன்கள் எடுத்தது. அதனைத் தொடர்ந்து 138 ரன்கள் எடுத்தால் வெற்றி என்ற இலக்குடன் களமிறங்கிய இங்கிலாந்து அணி 19 ஓவர்களில் 5 விக்கெட் இழப்பிற்கு138 ரன்கள் எடுத்தது. 

இதன்மூலம் நடப்பாண்டு டி20 உலகக்கோப்பை இங்கிலாந்து அணி வென்றுள்ளது. இதன்மூலம் இங்கிலாந்து அணி  2வது முறையாக டி20 கோப்பையை வென்றுள்ளது. இதற்குமுன் 2010ம் ஆண்டு இங்கிலாந்து அணி டி20 உலகக்கோப்பை கைப்பற்றியது குறிப்பிடத்தக்கது.

2வது முறையாக டி20 உலகக் கோப்பையை வென்ற ஜாஸ் பட்லர் தலைமையிலான இங்கிலாந்து அணிக்கு கிரிக்கெட் ரசிகர்கள் மற்றும் முன்னாள் வீரர்கள் வாழ்த்துக்களை தெரிவித்து வருகின்றனர்.

அந்த வகையில் இந்திய வீரர் விராட் கோலி இங்கிலாந்து கிரிக்கெட் அணிக்கு வாழ்த்து தெரிவித்துள்ளார். இது குறித்து விராட் கோலி தனது இன்ஸ்டாகிராம் ஸ்டோரியில் "இங்கிலாந்து அணிக்கு வாழ்த்துக்கள். உலகக் கோப்பையை வெல்ல நீங்கள் தகுதியான அணி" என தெரிவித்துள்ளார்.