ஆசியக் கோப்பை மகளிர் கிரிக்கெட் போட்டியில் இந்தியா - தாய்லாந்து அணிகள் இன்று மோதுகின்றன.

ஆசிய கோப்பை மகளிர் கிரிக்கெட் போட்டி வங்கதேசத்தில் நடைப்பெற்று வருகிறது. ஐக்கிய அமீரகம், மலேசியா, தாய்லாந்து, இந்தியா, பாகிஸ்தான், ஸ்ரீலங்கா, வங்கதேசம் ஆகிய ஏழு அணிகள் இத்தொடரில் பங்கேற்கின்றன.

இந்த நிலையில் இன்று மதியம் 1 மணிக்கு நடைபெறும் 19வது லீக் போட்டியில் இந்தியா - தாய்லாந்து அணிகள் மோதுகின்றன. இதில் டாஸ் வென்ற இந்திய மகளிர் அணி பௌலிங் தேர்வு செய்துள்ளது.

ஆசியக் கோப்பை மகளிர் கிரிக்கெட் போட்டியில் இந்திய அணி 5 போட்டிகளில் 4 வெற்றி பெற்று 8 புள்ளிகளுடன் முதலிடத்தில் உள்ளது. அதேபோல், 5 போட்டிகளில் விளையாடியுள்ள தாய்லாந்து அணி 3 போட்டிகளில் வெற்றி பெற்று 6 புள்ளிகளுடன் 4வது இடத்தில் உள்ளது.

இதுவரை நேருக்கு நேர்

இந்தியா - தாய்லாந்து அணிகள் இதுவரை 3 டி20 போட்டிகளில் நேருக்கு நேர் மோதியுள்ளன. இதில் 3 போட்டிகளிலும் இந்திய அணி வெற்றி பெற்றுள்ளது.

மேலும் இந்திய கேப்டன் ஸ்ரீமிரிதி மந்தனா இன்றைய தினம் 100வது டி20 போட்டியில் விளையாடுகிறார் என்பது குறிப்பிடத்தக்கது.

தாய்லாந்து மகளிர் அணி 11 வீரர்கள் :

 நன்னபட் கொஞ்சரோயெங்கை(வி.கீ), நட்டகன் சந்தம், நருயெமோல் சாய்வாய்(கே), சொர்ணரின் டிப்போச், சனிதா சுத்திருவாங், ரோசனன் கானோ, பன்னிதா மாயா, நட்டாயா பூச்சதம், ஒன்னிச்சா கம்சோம்பு, திபட்சா புத்தாவோங்ஸ்,

 இந்திய மகளிர் அணி 11 வீரர்கள் :

 ஷபாலி வர்மா, ஸ்மிருதி மந்தனா(கே), சப்பினேனி மேகனா, ஜெமிமா ரோட்ரிக்ஸ், ரிச்சா கோஷ்(வி.கீ), கிரண் நவ்கிரே, தீப்தி சர்மா, பூஜா வஸ்த்ரகர், சினே ராணா, மேக்னா சிங், ராஜேஸ்வரி கயக்வாட்.