முதலாவது மகளிர் ஐபிஎல் கிரிக்கெட் தொடர் கடந்த மார்ச் 4ம் தேதி தொடங்கி நடைபெற்று வருகிறது. மொத்தம் 5 பங்கேற்று விளையாடி வருகின்றன. அதன்படி ஒவ்வொரு அணியும் மற்ற 4 அணிகளுடன் தலா இரண்டு முறை மோத வேண்டும்.

இதில் புள்ளி பட்டியலில்  முதலிடத்தை பிடிக்கும் அணி நேரடியாக இறுதிப் போட்டிக்கு முன்னேறும். இரண்டாவது மற்றும் மூன்றாவது இடத்தை பிடிக்கும் அணிகள் எலிமினேட்டர் போட்டியில் மோதும்.

அதன்படி, புள்ளி பட்டியலில் முதலிடம் பிடித்த டெல்லி கேப்பிட்டல்ஸ் அணி இறுதிப் போட்டிக்கு முன்னேறியுள்ளது. மேலும் இரண்டாவது மற்றும் மூன்றாவது இடத்தை பிடித்த மும்பை இந்தியன்ஸ் மற்றும் யுபி வாரியர்ஸ் அணிகள் எலிமினேட்டர் போட்டியில் மோதுகின்றன.

இந்த எலிமினேட்டர் போட்டியில் வெற்றி பெறும் அணி முதல் இடத்தை பிடித்த டெல்லி கேப்பிட்டல்ஸ் அணியுடன் இறுதிப் போட்டியில் விளையாடும் என்பது குறிப்பிடத்தக்கது.

இந்த நிலையில் இன்று இரவு 7.30 மணிக்கு நடைபெறும் எலிமினேட்டர்  போட்டியில் மும்பை இந்தியன்ஸ் -யுபி வாரியர்ஸ் அணிகள் மோதுகின்றன. இந்த போட்டியில் வெற்றிபெறும் அணி வரும் வரும் மார்ச் 26 ஆம் தேதி நடைபெறும் இறுதிப் போட்டியில் டெல்லி கேப்பிடல்ஸ் அணியுடன் மோதுகிறது.

இதுவரை நேருக்கு நேர்

மும்பை இந்தியன்ஸ் மற்றும் யுபி வாரியர்ஸ் அணிகள் மோதிய 2 லீக் போட்டிகளில் மும்பை இந்தியன்ஸ் ஒரு போட்டியிலும், யுபி வாரியர்ஸ் ஒரு போட்டியிலும் வெற்றி பெற்றுள்ளது.