சென்னை கோயம்பேடு மார்க்கெட்டில் இன்று தக்காளியின் விலை கிலோவுக்கு 10 ரூபாய் குறைந்துள்ளது.

நாடு முழுவதும் பெய்த கனமழை காரணமாக உணவுப் பொருட்களின் விளைச்சல் கடுமையாக பாதிக்கப்பட்டது. இதனால் மார்க்கெட்டிற்கு வரும் காய்கறிகளின் விலை வரத்து குறைவால், கடும் விலையேற்றத்தை சந்தித்தது.

அதன்படி தமிழகத்தில் கடந்த இரண்டு மாத காலமாக தக்காளியின் விலை ஒரு கிலோ 150 ரூபாய் முதல் 250 ரூபாய் வரை விற்பனை செய்யப்பட்டது. இதனால் பொதுமக்கள் கடும் சிரமத்திற்கு உள்ளாகினர். இதனையடுத்து தமிழக அரசு ரேஷன் கடைகளின் மூலம் மலிவு விலையில் தக்காளி விற்பனையை தொடங்கியது.

இந்த நிலையில் கடந்த ஒரு வாரமாக தக்காளி விலை தொடர்ந்து குறைந்து வருவதால் பொதுமக்கள் நிம்மதி அடைந்துள்ளனர். அதன்படி இன்று சென்னை கோயம்பேடு மார்க்கெட்டில் தக்காளி விலை கிலோவுக்கு ரூ.10 குறைந்து ஒரு கிலோ தக்காளி விலை ரூ.90க்கு விற்பனை செய்யப்படுகிறது. தக்காளி வரத்து அதிகரித்துள்ளதால் விலை குறைந்துள்ளதாக வியாபாரிகள் தெரிவித்துள்ளனர்.

கோயம்பேடு காய்கறி சந்தை விலை நிலவரம் (1 கிலோ)

நவீன தக்காளி கிலோ - 100 ரூபாய்

வெங்காயம் -22 ரூபாய்

உருளைக்கிழங்கு - 33 ரூபாய்

சின்ன வெங்காயம் - 80 ரூபாய்

ஊட்டி கேரட் - 60 ரூபாய்

பீன்ஸ் - 50 ரூபாய்

ஊட்டி பீட்ரூட் - 40 ரூபாய்

 முருங்கைக்காய் - 30 ரூபாய்

காலிபிளவர் - 25 ரூபாய்

பச்சைமிளகாய் - 55 ரூபாய்

பட்டாணி & பூண்டு - 200 ரூபாய்

இஞ்சி - 210 ரூபாய்

பச்சை குடைமிளகாய் - 100 ரூபாய்

வண்ணகுடைமிளகாய் -160 ரூபாய்

தேங்காய் - 25 ரூபாய்