அத்துமீறும் இலங்கை கடைப்படையினர் - தமிழக மீனவர்கள் 25 பேர் கைது.!
25 tamilnadu fishermans arrest
கடலுக்கு மீன்பிடிக்கச் சென்ற இருபத்தைந்து தமிழக மீனவர்களை இலங்கைக் கடற்படையினர் கைது செய்த சம்பவம் பெரும் பரபரப்பை ஏற்படுத்தியுள்ளது.
சமீப காலமாகவே தமிழக மீனவர்கள் எல்லைத் தாண்டி மீன் பிடித்ததாக கூறி இலங்கை கடற்படையினர் கைது செய்யும் சம்பவம் தொடர்ந்து நடந்து வருகிறது. இந்த நிலையில் இன்று எல்லைத்தாண்டி வந்து மீன் பிடித்ததாக கூறி தமிழக மீனவர்கள் 25 பேரை இலங்கை கடற்படை கைது செய்துள்ளது.
கச்சத்தீவு மற்றும் நெடுந்தீவு இடையே மீன் பிடித்துக் கொண்டிருந்த தமிழக மீனவர்கள் 25 பேரையும், நான்கு விசைப்படகுகளையும் இலங்கை கடற்படை சிறை பிடித்துள்ளது. தொடர்ந்து தமிழக மீனவர்கள் கைது செய்யப்படும் சம்பவத்தால் கவலை அடைந்துள்ள தமிழக மீனவர்கள், இலங்கை கடற்படையின் தொடர் அட்டூழியத்திற்கு முற்றுப்புள்ளி வைத்து, கடலில் அச்சமின்றி மீன் பிடிக்க மத்திய, மாநில அரசுகள் உடனடியாக நடவடிக்கை எடுக்கவேண்டும் என்று கோரிக்கை விடுத்துள்ளனர்.
English Summary
25 tamilnadu fishermans arrest