தமிழக மீனவர்கள் 32 பேர் கைது.! அதிர்ச்சியில் சக மீனவர்கள்.!
32 tamilnadu fishermans arrested
தமிழகத்தில் இருந்து கடலுக்கு மீன் பிடிக்கச் செல்லும் மீனவர்கள், எல்லை தாண்டி மீன் பிடிப்பதாக கூறி இலங்கை கடற்படையினர் சிறை பிடிப்பதும், படகுகளை பறிமுதல் செய்வதும் தொடர்ந்து அரங்கேறி வருகிறது.
இந்த நிலையில், ராமநாதபுரம் மாவட்டம் பாம்பன் துறைமுகத்தில் இருந்து மீனவர்கள் கடலுக்கு மீன்பிடிக்கச் சென்றனர். அதன்படி, அவர்கள் புத்தாளம் அருகே மீன்பிடித்துக் கொண்டிருந்தனர்.
அப்போது, அங்கு ரோந்து பணிக்கு வந்த இலங்கை கடற்படையினர் எல்லை தாண்டி மீன் பிடித்ததாகக் கூறி 32 தமிழக மீனவர்களைக் கைது செய்தனர். மேலும் நான்கு நாட்டுப்படகையும் பறிமுதல் செய்தனர்.
பின்னர் கைது செய்யப்பட்ட 32 மீனவர்களையும் இலங்கை கடற்பிடி கடற்கரை முகாமிற்கு அழைத்துச் சென்றனர். அங்கு அவர்களிடம் தொடர்ந்து விசாரணை நடத்தப்பட்டு வருகிறது.
மீனவர்கள் 32 பேர் சிறைப்பிடிக்கப்பட்ட தகவலறிந்த சக மீனவர்கள் மற்றும் அவர்களது குடும்பத்தினர் கடும் அதிர்ச்சி அடைந்துள்ளனர். உடனடியாக அவர்களை விடுவிக்க மத்திய, மாநில அரசுகள் நடவடிக்கை எடுக்க வேண்டும் என்று வலியுறுத்தியுள்ளனர்.
English Summary
32 tamilnadu fishermans arrested