ஆடிப்பெருக்கு திருவிழா.. இன்று (ஆகஸ்ட் 3 ) 3 மாவட்டங்களுக்கு பள்ளி, கல்லூரிகளுக்கு விடுமுறை.!

ஆடிப்பெருக்கு விழா இன்று தமிழகம் முழுவதும் கொண்டாடப்பட உள்ளது. தமிழகத்தில் உள்ள ஒவ்வொரு மாவட்டங்களிலும் கோவில் சிறப்பு விழாக்கள், சிறப்பு பண்டிகை உள்ளிட்ட முக்கிய தினங்களில் உள்ளூர் விடுமுறை விடப்படுவது வழக்கம்.

அந்த வகையில் இன்று ஆடிப்பெருக்கு விழா நாடு முழுவதும் கொண்டாடப்பட உள்ளது, இந்த விழாவை முன்னிட்டு தமிழகத்தில் 3 மாவட்டங்களுக்கு உள்ளூர் விடுமுறை விடப்பட்டுள்ளது.

அதன்படி, இன்று தர்மபுரி, ஈரோடு, நாமக்கல் ஆகிய மாவட்டங்களுக்கு உள்ளூர் விடுமுறை அளிக்கப்பட்டுள்ளது. இந்த மூன்று மாவட்டத்தில் உள்ள பள்ளி, கல்லூரிகள் அனைத்தும் இன்று செயல்படாது எனவும், இந்த விடுமுறையை ஈடு செய்யும் வகையில் வரும் 27ஆம் தேதி பணி நாளாக அறிவிக்கப்பட்டுள்ளதாக அந்தந்த மாவட்டத்தை சேர்ந்த மாவட்ட ஆட்சியர்கள் தெரிவித்துள்ளனர்.