இசைவெளியீட்டு விழாவில் விஜய்க்கு மறைமுக வாழ்த்து கூறிய நடிகர் சூர்யா.!

பிரபல இயக்குனர் சிவா இயக்கத்தில் நடிகர் சூர்யா நடித்துள்ள திரைப்படம் கங்குவா. சர்வதேச அளவில் 10க்கும் மேற்பட்ட மொழிகளில் வரும் 14ம் தேதி திரைக்கு வர உள்ளது. இந்த நிலையில், கங்குவா படத்தின் இசைவெளியீட்டு விழா சென்னை நேரு உள்விளையாட்டு அரங்கில் நேற்று நடைபெற்றது.

இந்த நிகழ்ச்சியில் படக்குழுவினர் பலரும் கலந்துகொண்டனர். அப்போது நடிகர் சூர்யா பேசியதாவது:- "தற்போது துணை முதலமைச்சராக உள்ள உதயநிதிஸ்டாலினுக்கு வாழ்த்துக்கள்" என்றுக் கூறினார்.

இதைத் தொடர்ந்து அவர் பேசியதாவது:- "இன்னொரு நண்பர் இருக்காரு; ஒரு புதிய பாதை போட்டு ஒரு புதிய பயணத்துக்காக காத்திருக்காரு.. அவரோட வரவு நல்வரவாக இருக்கட்டும்.."என்று மறைமுகமாக பேசியுள்ளார்.

தமிழக வெற்றிக் கழகத்தின் முதல் மாநாடு இன்று விக்கிரவாண்டியில் நடத்தப்படுகிறது. கட்சி தொடங்கிய பின் நடத்தப்படும் முதல் மாநாடு என்பதாலும், தமிழக மக்கள் மத்தியில் நல்ல எண்ணத்தை உருவாக்க வேண்டும் என்பதாலும், மாநாட்டின் ஏற்பாடுகள் பிரமாண்டமாக நடந்து வருவது குறிப்பிடத்தக்கது.