ஏப்ரல் 10ம் தேதி புதுக்கோட்டை மாவட்டத்திற்கு உள்ளூர் விடுமுறை - மாவட்ட ஆட்சியர் அறிவிப்பு.!
April 10 local holiday for pudhukottai district
தமிழகத்தில் உள்ள ஒவ்வொரு மாவட்டங்களிலும் கோவில் திருவிழாக்கள், சிறப்பு பண்டிகை மற்றும் சுதந்திரப் போராட்ட வீரர்களின் நினைவு தினங்கள் உள்ளிட்ட முக்கிய தினங்களை முன்னிட்டு உள்ளூர் விடுமுறை வழங்கப்பட்டு வருகிறது.
புதுக்கோட்டை மாவட்டம் நார்த்தாமலையில் புகழ்பெற்ற முத்துமாரியம்மன் கோவில் உள்ளது. இந்த கோவிலில் ஒவ்வொரு வருடமும் பங்குனி திருவிழா கோலாகலமாக நடைபெறும். அதேபோல் இந்தாண்டுக்கான திருவிழா மார்ச் 25ம் தேதி தொடங்கியது.
அதனைத் தொடர்ந்து வரும் ஏப்ரல் 2ம் தேதி அம்மனுக்கு காப்பு கட்டப்பட்டு தொடர்ந்து திருவிழா நடைபெறுகிறது. அதனைத் தொடர்ந்து ஏப்ரல் 9-ந்தேதி பொங்கல் விழாவும், ஏப்ரல் 10-ந்தேதி தேர்திருவிழா விமரிசையாக நடைபெற உள்ளது.
இந்த நிலையில் நார்த்தாமலை முத்துமாரியம்மன் கோயில் திருவிழாவை முன்னிட்டு புதுக்கோட்டை மாவட்டத்திற்கு வரும் ஏப்ரல் 10ம் தேதி உள்ளூர் விடுமுறை அறிவிக்கப்பட்டுள்ளது. மேலும், பொதுத்தேர்வு எழுதும் மாணவர்களுக்கு உள்ளூர் விடுமுறை பொருந்தாது என்றும் அம்மாவட்ட ஆட்சியர் கவிதா ராமு அறிவித்துள்ளார்.
English Summary
April 10 local holiday for pudhukottai district