அவனியாபுரம் ஜல்லிக்கட்டு: ரூ.1 லட்சம் ரொக்க பணத்தை வென்ற வீரர்!
Avaniyapuram jallikattu
இன்று உலகப்புகழ் பெற்ற அவனியாபுரம் ஜல்லிக்கட்டு போட்டியில் ஒரு காளையை அடக்கி 1 லட்சம் ரூபாய் ரொக்க பணத்தை ஒரு வீரர் வென்றுள்ளார்.
அவனியாபுரம் ஜல்லிக்கட்டு போட்டியில் 1,100 காளைகளும் மற்றும் 900 மாடுபிடி வீரர்கள் கலந்து கொண்டனர்.
இதில், சிவகங்கை மாவட்டம், ஆவாரங்காட்டைச் சேர்ந்த முத்துக்காளை, ரவிமணிமாறன் பிரதர்ஸ்-ன் காளையை அடக்கினால் ரூ.1 லட்சம் மற்றும் 2 தங்க காசுகள் பரிசு என அறிவிக்கப்பட்டது.
இந்நிலையில், இந்த மாட்டை அவனியாபுரத்தை சேர்ந்த மாடுபிடி வீரர் ரஞ்சித் பாய்ந்து பிடித்து அசத்தினார்.
இதனையடுத்து அறிவிக்கப்பட்டபடியே ரூ.1 லட்சம் பரிசுத் தொகை மற்றும் 2 தங்க காசுகள் அவருக்கு அமைச்சர் கையால் வழங்கப்பட்டது.
இந்த அவனியாபுரம் போட்டியில் வெற்றி பெறும் சிறந்த காளைக்கு டிராக்டரும், வீரருக்கு காரும் பரிசாக வழங்கப்பட உள்ளது குறிப்பிடத்தக்கது.