முதலமைச்சர் தலைமையில் அமைச்சரவைக் கூட்டம் - எப்போது?
cabinate meeting today evening leadership of cm mk stalin
அடுத்தாண்டு ஜனவரி மாதம் 7 மற்றும் 8-ம் தேதிகளில் தமிழ்நாடு தொழில்துறை சார்பில் சென்னையில் உலக முதலீட்டாளர்கள் மாநாடு நடைபெற உள்ளது. இந்த மாநாட்டை வெற்றிகரமாக முடித்து, தமிழகத்திற்கு அதிக முதலீடுகளை கொண்டு வர தொழில்துறை முயற்சி செய்து வருகிறது.
இதற்கிடையே பல புதிய தொழில்களை தொடங்கவும், ஏற்கனவே உள்ள தொழில்களுக்கான விரிவாக்கத்திற்கு அனுமதி கேட்டும் தமிழ்நாடு அரசுக்கு பல விண்ணப்பங்கள் வந்துள்ளன. இந்த நிலையில், இன்று முதலமைச்சர் மு.க ஸ்டாலின் தலைமையில் அமைச்சரவை கூட்டம் நடைபெற உள்ளது.
இதுதொடர்பாக அனைத்து அமைச்சர்களுக்கும் அழைப்புக் கடிதம் அனுப்பப்பட்டுள்ளது. அந்தக் கடிதத்தில், இன்று மாலை 6.30 மணிக்கு தலைமைச் செயலகத்தில் உள்ள அமைச்சரவை அறையில் முதலமைச்சர் தலைமையில் அமைச்சரவை கூட்டம் நடைபெறும்" என்று தெரிவிக்கப்பட்டுள்ளது.
உலக முதலீட்டாளர்கள் மாநாடு நடைபெறுவதற்கு முன்பு சில தொழில்களுக்கான அனுமதியை அமைச்சரவை வழங்க வேண்டியுள்ளதால் இந்த கூட்டத்தில் அதற்கான அனுமதி வழங்கப்படும் என்று எதிர்பார்க்கப்படுகிறது.
English Summary
cabinate meeting today evening leadership of cm mk stalin