சீமானுக்கு எதிராக போராட்டம் - 878 பேர் மீது வழக்கு பதிவு.!
case file on 878 protestors for protest against seeman
நாம் தமிழர் கட்சியின் ஒருங்கிணைப்பாளர் சீமான் தந்தை பெரியார் குறித்த அநாகரிக பேச்சிற்கு இதுவரைக்கும் ஆதாரம் அளிக்காததால் அவரது வீடு முற்றுகையிடப்படும் என்று தந்தை பெரியார் திராவிட கழகத்தின் பொதுச்செயலாளர் கு.ராமகிருஷ்ணன் தெரிவித்து இருந்தார்.
இதனால், சென்னை நீலாங்கரையில் உள்ள சீமான் வீட்டிற்கு அருகே போலீசார் பாதுகாப்பு பணியில் ஈடுபட்டனர். இந்த நிலையில், ஏற்கனவே அறிவித்தப்படி சீமான் வீட்டை பெரியாரிய உணர்வாளர்கள் முற்றுகையிட முயன்றனர்.
பாதுகாப்புக்காக காவல் துறையினர் அமைத்த தடுப்புகளை மீறி பெரியாரிய உணர்வாளர்கள் செல்ல முயன்றனர். மேலும், சீமான் உருவப்படத்தை செருப்பால் அடித்தும், உருவ பொம்மையை எரித்தும் பெரியாரிய உணர்வாளர்கள் ஆத்திரத்தை வெளிப்படுத்தினர்.
இதற்கிடையே சீமான் வீட்டை முற்றுகையிட தடுப்புகளை மீறி செல்ல முயன்ற பெரியாரிய உணர்வாளர்களை போலீசார் கைது செய்தனர். அதுமட்டுமல்லாமல், சீமானுக்கு எதிராக போராடிய 878 பேர் மீது நீலாங்கரை போலீசார் வழக்குப் பதிவு செய்துள்ளனர்.
English Summary
case file on 878 protestors for protest against seeman