வீட்டில் ஆராய்ச்சி... திடீரென வெடித்த மர்ம பொருள்: ப்ளஸ் 2 மாணவர் பரிதாப பலி.!
Chennai mysterious substance explosion student killed
சென்னை, கொளத்தூர் பகுதியை சேர்ந்த பனிரெண்டாம் வகுப்பு படித்து வந்த மாணவர், வீட்டில் மர்ம பொருள் வெடித்ததில் சம்பவ இடத்திலேயே உயிரிழந்து விட்டார்.
அறிவியலில் மிகுந்த ஆர்வம் கொண்ட ஆதித்யா பிரணவ் அறிவியல் சார்ந்த சாதனைகளை வீட்டில் செய்து வருவது வழக்கம்.
கடந்த 10 நாட்களுக்கு முன்பு ஆராய்ச்சியின் போது வீட்டில் இருந்து கரும்புகை வருவதாக அக்கம் பக்கத்தில் இருந்தவர்கள் அவரது தந்தைக்கு எச்சரிக்கை விடுத்துள்ளனர்.
இந்நிலையில் இன்று மதியம் மாணவரின் வீட்டில் இருந்து திடீரென பயங்கர சத்தம் வந்தவுடன் அக்கம் பக்கத்தில் இருந்தவர்கள் சென்று பார்த்துள்ளனர்.
அப்போது மாணவர் உயிரிழந்த நிலையில் கிடந்துள்ளார். இதனை பார்த்த அதிர்ச்சி அடைந்த பொதுமக்கள் உடனடியாக காவல் நிலையத்திற்கு தகவல் தெரிவித்தனர்.
தகவல் அறிந்த போலீசார் சம்பவ இடத்திற்கு விரைந்து சென்று விசாரணை நடத்தியதில், வீட்டிலிருந்து மர்ம பொருள் வெடித்ததால் மாணவர் உயிரிழந்ததாக தெரியவந்துள்ளது. இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.
English Summary
Chennai mysterious substance explosion student killed