வரும் 11 ஆம் தேதி உள்ளூர் விடுமுறை - எந்த மாவட்டத்திற்கு தெரியுமா?
coming 11 local holiday to sivakangai districts
தமிழகத்தில் அரசு விடுமுறை, பொது விடுமுறை மட்டுமல்லாமல் முக்கியமான நாட்களில் அந்தந்த மாவட்டத்திற்கு மட்டும் உள்ளூர் விடுமுறை அளிக்கப்பட்டு வருகிறது. அந்த வகையில், செப்டம்பர் மாதம் 11 ஆம் தேதி சிவகங்கை மாவட்டத்திற்கு உள்ளூர் விடுமுறை அளிக்கப்பட்டுள்ளது.
இந்திய ராணுவத்தில் பணிபுரிந்தவரும், “வெள்ளையனே வெளியேறு” இயக்கத்தில் கலந்துகொண்டு சிறை சென்றவரும், தமிழக தென் மாவட்டங்களில் வசிக்கும் ஒடுக்கப்பட்ட மக்களின் உரிமைகளுக்காகப் போராடிய அரசியல் தலைவருமான சுதந்திரப் போராட்டத் தியாகி இம்மானுவேல் சேகரனின் நினைவு நாள் வருகிற செப்டம்பர் மாதம் 11ஆம் தேதி அனுசரிக்கப்படுகிறது.
இந்த நாளை முன்னிட்டு, சிவகங்கை மாவட்டத்தில் உள்ள சிவகங்கை, திருப்புவனம், மானாமதுரை, இளையான்குடி தாலுகாக்களில் உள்ள பள்ளி, கல்லூரிகளுக்கு செப்டம்பர்11ஆம் தேதி விடுமுறை அளிக்கப்படுவதாக சிவகங்கை மாவட்ட ஆட்சியர் ஆஷா அஜித் அறிவித்துள்ளார்.
மேலும், இந்த விடுமுறையை ஈடுசெய்யும் வகையில் செப்டம்பர் மாதம் 21ஆம் தேதி நான்கு தாலுகாவில் உள்ள பள்ளிகள், கல்லூரிகள் செயல்படும் என்று மாவட்ட ஆட்சியர் ஆஷா அஜித் தெரிவித்துள்ளார்.
English Summary
coming 11 local holiday to sivakangai districts