இந்திய கம்யூனிஸ்ட் கட்சி அலுவலகம் மீது தாக்குதல்! தீவிர விசாரணையில் போலீசார்!
Communist Party of India office Attack Police investigation
சென்னை, தி. நகரில் உள்ள இந்திய கம்யூனிஸ்ட் கட்சி அலுவலகம் மீது மர்ம நபர்கள் தாக்குதல் நடத்தியது பெரும் பரபரப்பை ஏற்படுத்தி உள்ளது.
இந்திய கம்யூனிஸ்ட் கட்சியின் மாநில அலுவலகம் சென்னை தியாகராய நகரில் உள்ளது. இந்த அலுவலகத்தில் நேற்று நள்ளிரவு மர்ம நபர்கள் சிலர் கற்களையும் பாட்டில்களையும் வீசி தாக்குதல் நடத்தியுள்ளனர்.
இந்த தாக்குதலை அங்கு ஆட்டோவில் இருந்த மர்ம நபர்கள் மது போதையில் பாட்டில்களை வீசியதாக தென் சென்னை மாவட்ட செயலாளர் தெரிவித்துள்ளார்.
மேலும் இது தொடர்பாக தென் சென்னை மாவட்ட செயலாளர் காவல் நிலையத்தில் புகார் அளித்தார். புகாரின் பேரில் போலீசார் சம்பவ இடத்திற்கு விரைந்து சென்று தாக்குதல் நடத்தப்பட்ட இந்திய கம்யூனிஸ்ட் கட்சியின் அலுவலகத்தை பார்வையிட்டனர்.
பின்னர் போலீசார் அங்கிருந்த சி.சி.டிவி கேமரா காட்சிகளை ஆய்வு செய்து விசாரணை நடத்தி வருகின்றனர். இந்திய கம்யூனிஸ்ட் கட்சி அலுவலகம் மீது மர்ம நபர்கள் கல் வீசி தாக்குதல் நடத்திய சம்பவம் பரபரப்பை ஏற்படுத்தியுள்ளது.
English Summary
Communist Party of India office Attack Police investigation